العسيلي يلقن ياسمين عز درسا: بتدلعي الراجل زيادة عن اللزوم والعلاقة المبنية على خد بس فاشلة

حل المطرب محمود العسيلي ضيف على برنامج كلام الناس الذي تقدمه الإعلامية ياسمين عز على قناة mbc مصر، والذي صرح خلاله تصريحات مختلفة وطريفة.

تحيا مصر يرصد في ذلك التقرير تصريحات محمود العسيلي في كلام الناس

وقال محمود العسيلي: أحلى حاجة حصلتي اني ابتديت نرجع تاني نعمل حفلات برة وحفلة موسم الرياض كانت من أحلى الانجازات واننا اجتمعنا بالجمهور العظيم ده.

محمود العسيلي يسخر من تصريحات ياسمين عز عن الصوت الشتوي: فيه خريفي وربيعي كمان 

وسخر محمود العسيلي من تصريحا ياسمين عز عن الصوت الشتوي والصيفي: فيه صوت خريفي وربيعي كمان.. الخريفي أما بتتساقط أوراق الشجر الأحبال الصوتية ببتساقط ، أما الربيعي أما الأزهار بتطلع فالصوت بيكون فيه بحة كدة، وفيه الرعدي وده الرعد اللي بيستخدمه.

محمود العسيلي  عن علاقة الرجل والمرأة: لازم يكون فيه دلع متبادل واهم حاجة في الست الذكاء

وتطرق محمود العسليي بحديثه عن علاقة الراجل والمرأة فقال: أنا راجل شرقي ومتفتح في نفس الوقت، مفيش حاجة اسمها الراجل يعمل اللي هو عايزه والست متعملش

ووجه حديثه لياسمين عز قائلا: انتي مدلعة الراجل زيادة عن اللزوم مينفعش تتكلمي عن الراجل بس.. الست فين في حياتك، فيه ستات كتير أوي معندها ش نوع من الدلع أو ان حد مقدرهم ليه مش بتتكلمي عنهم  في حالات الرجالة عندها نقص في الدلع وستات كذلك، مينفعش تتكلمي عن الراجل بس الست فين في حياتك.

وتابع:  العلاقات كلها مبنية على خد وهات والعلاقة اللي مبنيه على خد بس تبقى علاقة فاشلة ممكن نعمل توزان إن إحنا ندلع بعض.

وعن أكثر الأشياء التي يفضلها في المرأة فقال: أهم حاجة في الست الذكاء تكون ذكية في قراية الراجل وكيفية التعامل معاه،  والست الذكية لو قفشت الراجل هتعرف تتعامل معاه ازاي، وهيكون يستاهل بس في نفس الوقت تحافظ على جوزها وبيتها، ومش كل الرجالة طيبين والستات مش مولودين أشرار.

أخر أعمال محمود العسيلي

يذكر، أن أخر أعمال محمود العسيلي أغنية “دوم دوم”، التي أتت كلماتها: لفت دماغي لفت بقيت ماشي يا حبيبي بتلفت همومي خفت، همومي خفت وإيدي جات في إيديك فـاتدفت لفت لفت دماغي لفت بقيت ماشي يا حبيبي بتلفت همومي خفت، همومي خفت وإيدي جات في إيديك فـاتدفت لفت في انهيار وفي سهر بالليل قلبي اتغفل تغفيلة عقلي طار رامي نفسه في نار وبقى طار ده بقى طار في انهيار وفي سهر بالليل قلبي اتغفل تغفيلة باختصار يا ماشاء الله عليه جبار على حبك قلبي اتسستم كده قلبي طلع من الأوم الأوم بقى زي الطبلة يدوم دوم.