بعد استغاثتها.. وفاء مكي تتعاقد على عمل جديد مع المنتج عوض ماهر

أعلنت الفنانة وفاء عامر عن تعاقد الفنانة وفاء مكي مع المنتج عوض ماهر في عمل فني جديد لها، وذلك بعد استغاثتها خلال الأيام الماضية.

تحيا مصر يرصد لكم تفاصيل مشاركة وفاء مكي في عمل فني جديد 

ونشرت وفاء عامر صورة للفنانة وفاء مكي مع المنتج عبر حسابها الرسمي بموقع انستجرام، وعلقت: شكرًا المنتج الفني المحترم الأمين الجدع عوض ماهر. 

وكانت قد أعربت وفاء مكي عن استيائها من عدم مشاركتا في الأعمال الفنية، كما كشف أن النقابة لا تستجيب لاستغاثتها الدائمة، وكشف عن علاقاتها باصدقائها من الوسط الفني.

وفاء مكي تستغيث عبر تحيا مصر 

وقالت وفاء مكي لموقع تحيا مصر: في فنانين بيطلعوا يقولوا مفيش حد بيسأل علينا وبدور على أرقامهم واتصل بيهم مش بيردوا عليا خالص، ومفيش حد بيكلمني.

وأضافت: أنا مش هروح أطلب من فنانين يساعدوني ومش بكلم فنان يساعدني، وأحرج نفسي مع حد وأزل نفسي، والنقابة ونقيب المهن التمثيلية هو المسئول عني.

واستكملت: انا مش عارفة الغلط فين وانا بناشد نقابتي وكل مسئول ارحموني انا مش بطلب حاجه غلط من حد، أنا بطلب اني أقف اشتغل  بعزة نفسي انا مش لاقيه حد ومفيش حد قالي  حصل ايه ولا حد كلمني من زمايلي ولا حد كلمني من النقابة.

وفاء مكي: عليا ديون مش عارفة اسددها

وطالبت وفاء مكي من النقابة أن توفر لها عمل لكي تستطيع أن تسد ديونها وقالت: أنا عايزة اشتغل واقف على رجلي و اشوف امي المريضة وابني واكفي بيتي  واشوف الديون اللي عليا عايزة اسدها انا عايزة ارجع شغلي ومش عايزة حد يقولي اي حجج .

واستغاثت وفاء مكي وقالت: أنا عايزة اشتغل بالحلال وأكل لقمة عيش بالحلال، وأنا أقدر اعمل الأدوار اللي تناسب سني في الوقت الحالي.

وفاء مكي: مش عارفة اجيب أكل لابني  

وقالت وفاء: أبني بيكون عايز ياكل ومش عارفه اجبله اكل وبيقولي يا ماما عايز أكل وبقوله مش معايا فلوس ولما يجي فلوس هجيبلك اللي أنت عايزه.

وتحدثت وفاء عن إنجازات نقابة المهن التمثيلية خلال الفترة الحالية، وقالت:  النقابة بتعمل حاجات كويسة وخطوة ايجابية وربنا يكملها بالستر ودي نقابتي واصحابي ومهنتي ومينفعش حد يقول عليهم حاجه وحشه.

ووجهت وفاء رسالة إلى زملائها من الوسط الفني: مفيش حاجة في الزمن ده مضمونه، ربنا معاهم ويوفقهم وشكرا ومفيش حد ضامن الزمن والظروف وانهارده عندي وبكره ممكن يكون حد في نفس موقفي.

 وأكدت وفاء ان لا أحد يمكنه أن يُنكر أعمالها وتاريخها والمجود التي بذلته طوال السنين الماضية في المجال الفني، وادوارها المميزة التي صنعت بصمة من خلالها.