رامي صبري: أنا ضد أي فنان يقدم مهرجانات علشان التريند.. والمهرجان مينفعش يكون رقم 1 في مصر

كشف المطرب رامي صبري عن رأيه الشخصي في أغاني المهرجانات، وذلك خلال مداخلة هاتفية له في أحد البرامج التلفزيونية.

تحيا مصر يرصد تفاصيل تصريحات رامي صبري عن المهرجانات

حيث قال رامي صبري: "في العصر ده مبنبقاش بندور على الجودة وممكن واحد يعمل أغنية بـ 2 جنيه وتضرب، وفي مطربين تانيين بيحصل لهم حالة أنا ليه أتعب وأعمل أغنية وكليب ويطلع حد تاني يعمل أغنية مهرجان بـ 3 جنيه ويعديني".

رأي رامي صبري في المهرجانات

وتابع: "موجة المهرجان هو مزيكا طول عمرها موجودة مش جديدة هو والراب، وكل 20 أو 30 سنة بيحصل في كل المجالات الناس بتحب حاجة فترة وترجع تاني".

واضاف: "والمهرجان مش هيفكرك بأهلك ولا وطنك ولكن هيرقص بس، وأنا مش ضد أي نوع من أنواع الفنون، والمهرحانات فن، هو مش محمد رمضان بيعمل مهرجانات؟ وليه جمهوره والمهرجانات ليها جمهورها؟".

رامي صبري والمهرجانات

واختتم حديثه قائلًا: "أنا أزعل لأن المهرجان مينفعش يكون رقم 1 في مصر، والمهرجان نوع من أنواع المزيكا اللي تحت أوي، وأنا ضد إن أي فنان يقدم المهرجان علشان يطلع تريند وينجح، ومينفعش يقدم الشكل ده ولو نجح مرة مش هينجح تاني".

طرح أغنية احنا في حتة تانية

وفي وقت سابق، طرح الفنان رامي صبري أغنية جديدة تأتي باسم احنا في حتة تانية، وذلك ضمن ألبومه الجديد معايا هتبدع، وذلك عبر قناته بموقع الفيديوهات الشهير يوتيوب.

كلمات الاغنية

وجاءت كلمات الأغنية كالآتي:

ولا وقته اننا نتحاسب ولا وقته إني ألوم ولا اعاتب
إيه إيه هيفيد

على اد ماقلبي وجعني وانا شايفك جاي تودعني  و ماشي  ماشي بعيد 
يمكن خير 
ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام

ولا وقته اننا نتحاسب…..

يمكن خير عشان كان لازم ابعد من زمان
انا وانت ميسعناش مكان والبركة فيك 
موضوعنا مات مبقاش خلاص في معجزات وبلاش نقلب في اللي فات راح عليه….

ولا وقته اننا نتحاسب