سلوى عثمان: مش عندي أطفال ولو كنت أم كنت هبقى حاسمة مع أولادي

تحدثت الفنانة سلوى عثمان عن كيفية تمكنها من تقديم أدوار الأم، على الرغم من أنها لم تنجب، كما تحدثت سلوى عن بدايتها الفنية.

تحيا مصر يرصد لكم تصريحات سلوى عثمان

وقالت سلوى عثمان خلال استضافتها في برنامج كلام الناس التي تقدمه الإعلامية ياسمين عز: الست بشكل عام أو أغلب الستات بيكونوا مولودين بإحساس الأمومة لأن ربنا مجهزهم لكده، وأنا بتخيل خلال المشهد اللي بقدمه لو أنا أم هعمل إيه مع ابني أو بنتي وبقدم اللي جوايا لو كنت أم واللي مكتوب في الدور.

سلوى عثمان:  مش بقدر أكون قاسية مع حد 

وتابعت: مش بقدر أكون قاسية مع حد بشكل عام ومش بحب القسوة بطبعي، لكن لو أنا أم هيكون عندي الحسم والحزم، وهدلع لكن مش هسمح بالغلط علشان هكون خايفة على مستقبل ابني أو بنتي ومينفعش أكون أم خايبة.

كما  تحدثت سلوى عثمان عن بداية مشوارها الفني، مشيرة إلى أنها ذهبت إلى نور الدمرداش لأنه كان زميلًا لوالديها، قائلة: عرفته بنفسي ورحب بيا ونزلني الاستديو علشان يشوف شكلي على الكاميرا وبعدها بعت لي أشارك في مسلسل زغاريد في غرفة الأحزان وإداني دور 8 حلقات من 15 حلقة وكانت حاجة كبيرة بالنسبة لي وكنت مبسوطة.

سلوى عثمان تتحدث عن زيجاتها

كشفت الفنانة سلوى عثمان عن زيجاتها، كما تحدثت عن حبها لزوجها، وتطرقت بالحديث عن عملها كفنانة وحبها الشديد لمهنة التمثيل.اتجوزت مرتين والمرة الأولى انفصلت وبعد كام سنة اتجوزت زوجي الحالي وبقالنا 15 سنة متجوزين.

سلوى عثمان: شغلي بالنسبالي خط أحمر

وأضافت: شغلي بالنسبة لي خط أحمر مع أي حد بتجوزه وبتفق أني عمري ما هسيب شغلي وحطيت بند في عقد زواجي من زوجي الحالي علشان الشغل والمأذون سألني في شرط عاوزة تحطيه في العقد قلت له أني ما أسيبش شغلي، و زوجي الحمد لله حابب الشغل بتاعي ومتفهم، وعارف أني بكون مشغولة في رمضان وساعات بنبات في الشغل وعنده فكر ومحتوي الموضوع، ومع ذلك أنا مش بقصر معاه في البيت مش معنى إني مشغولة ما عرفش حاجة عن هدومة وشغله لكني عندي ترتيب في حياتي أني ما أقصرش.