سعد الصغير يتوسل لـ طليقته برلنتي: يارب أموت لو خونتك والأخيرة ترد "ابعد عني"

شاركت الفنانة نرلنتي عامر فيديو للفنان سعد الصغير وهو يتوسل عودتها، وذلك بعد الخلاف الأخير الذي حدث بينهما وانفصالهما.

تحيا مصر يرصد لكم توسل سعد الصغير لـ برلنتي

ونشرت برلنتي الفيديو عبر حسابها بموقع التواصل الاجتماعي فيسبوك، وظهر سعد وهو ينتهي من أداء الصلاة وقال: انا لسه مصلي ركعتين والمصحف ده وكتاب ربنا انا مركبتش ولا واحدة معايا في العربية، واقسم بالله ولا وحدة ركبت العربية البيضا ويارب بحق الصلاة لو بكدب أموت وميكونش ليا دين

.

برلنتي لـ سعد الصغير: ابعد عني

وأضافت برلنتي في تعليقها على الفيديو: «أنا مالي أبعد عني أنا منزلك قدام الناس كلها علشان تبعد عن حياتي من فضلك».

خلاف برلنتي وسعد الصغير

وكانت الفنانة برلنتي قد كشف الخلاف الذي حدث بينها وبين سعد الصغير وقالت في تصريحات تليفزيونية: “سعد الصغير عمل حاجات مش طبيعية عشان يتجوزني كان بيقف تحت البيت عندي بالـ 7 و8 ساعات عشان بس يلمحني وهو عارف هو عامل إيه علشان يوصلي، واستحوذ على عقلي وخدني من صحابي وأي واحدة صاحبتي بتقرب مني بيبقى عايزها تبعد عني، وماما وأختي كان بيعمل مشاكل بيني وما بينهم”.

وفي اللقاء ذاته، كشفت الفنانة برلنتي عامر لأول مرة عن تفاصيل خطيرة بينها وبين طليقها المطرب الشعبي سعد الصغير، حيث قالت: “سعد عمل المستحيل علشان يتجوزني وهو عارف هو عمل إيه، وكنت خايفة جدًا ومعايا فيديوهات وهو بيقولي لو إنتي إتأذيتي يبقى أنا اللي أذيتك، شمس كلمتني وقالتلي خلي بالك من نفسك علشان هو هيحاول يأذيكي، وهو قالي لأ دي غيرانة منك وبتوقع بينا، وهو فعلًا أذاني والسمعة والكلام، أنا مش قادرة أتكلم من التعب اللي أنا فيه، هو بعتلي اعتذارات مع ناس بس بعد إيه؟”.

وأضافت: “وفي مرة انفصلت عنه وكنت هتخطب، وهو عرف وراح قال للولد ابعد عنها أنا بحبها ودي حب عمري، وأنت تقدر تحب لسة سنك صغير، ولكن دي آخر حب في عمري”.

طليقة سعد الصغير: سعد الصغير مجابليش اي حاجه واتجوزني في بيتي

وكشفت:أنا جبت عربيتي لنفسي مش هو اللي جبهالي والألماظ جبهولي في عيد ميلادي لأنه كان عايز يعمل شو، واتجوزني في بيتي أنا مش هو اللي جابه ويطلع يقول ويحلف على المصحف إنه جابلي حاجة، هو مجابليش حاجة، كان بيقولي أكتر حاجة بحبها فيكي إنك ست مش مادية، مرة اتخانق معايا خناقة كبيرة جدًا العمارة كلها سمعتنا وتاني يوم عشان يعتذرلي قدام الجيران حطلي على كله ورد وشالني قدام الناس كلها ونزل بيا في الشارع وسامحته عشان تفكيري طفلة شوية