خاص| وفاء مكي: أنا غيرت قوانين مجلس الشعب بأعمالي.. وعايزة أعمل أعمال مناسبة لتاريخي

أعربت الفنانة وفاء مكي عن استيائها الشديد من عدم طلبها للمشاركة في أعمال فنية، وذلك خلال حوارها اليوم عبر موقع تحيا مصر.

تحيا مصر يكشف تفاصيل استغاثة الفنانة وفاء مكي

حيث قالت وفاء مكي لموقع تحيا مصر: “أنا عندي أعمال تعدي الـ 86 عمل بطولة مطلقة.. أنا غيرت في قوانين مجلس الشعب عن طريق فيلم “لحم رخيص” اللي عملته أنا والجميلة إلهام شاهين، وكنت على مستوى الناس الكفئ زي سناء جميل والأستاذ جميل راتب”.

وفاء مكي: عايزة أرجع للمستوى بتاعي

وتابعت: “أنا مش بشتغل.. وعلى أيامي لما طلعت في التسعينات مكناش بناخد أجر.. أعلى أجر أخدته 5000 جنيه وكنت أعلى واحدة، وكله يدور ويشوف كلامي صح ولا غلط”.

وأضافت: “وقولت يا جماعة أنا عايزة أرجع للمستوى بتاعي وأعمل الأدوار المناسبة لسني ومناسبة لتاريخي، متجيبوليش مشهد ولا مشهدين والكلام الفاضي دا”.

استغاثة وفاء مكي 

ومن جانبه، استغاثت الفنانة وفاء مكي عبر مقطع بحسابها الرسمي في تيك توك، بالرئيس عبد الفتاح السيسي بسبب عدم حصولها على فرصة عمل.

وقالت وفاء مكي خلال المقطع: نداء واستغاثة للرئيس السيد عبد الفتاح السيسي، يا فندم انا عملت اكتر من 86 بطولة عمل، وحبيت ارجع شغلي تاني وطرقت كل الأبواب لكن لا حياة لمن تنادي.

وتابعت: الدراما كلها مليانة وجوه جديدة محدش عارفها وبيدوهم بطولات مطلقة، أنا تعبت ومعنديش مصدر تاني ولا شغلانة تانية غير دي انا بعول امي المريضة وابني اليتيم.

وفاء مكي تعرب عن ندمها بسبب تفضيل قصص الحب عن الزواج

وفي وقت سابق، كشفت الفنانة وفاء مكي خلال حلولها ضيفة على برنامج كلام الناس المذاع على قناة mbc مصر وتقدمه الإعلامية ياسمين عز، عن عروض الزواج التي عرضت عليها كثيرا في فترة شببها، معربة عن ندمها لـ عدم الموافقة عليها.

حيث قالت وفاء مكي خلال البرنامج: ناس كبار طلبوا أسيب الفن وأتجوزهم وعرضوا عليا ملايين، وكان فيه ناس بتحبني بس مكنش في وقت للحب، حياتي كلها كانت لشغلي وبس، كان شغلي أهم عندي وفي دماغي إنه مينفعش اضحى بالتعب ده".

وتابعت حديثها قائلة: "لكن دا نصيب في النهاية  ولو رجع بيا الزمن هاخد الفلوس وأتجوز لأن فلوس الفن معملتش بيها حاجة وابني والده توفاه الله، وجه بعد تعب وبحمد ربنا اني لحقت اني أجيب حتة عيل قبل ما اموت، ومانصحش أي بنت تعمل زي مانا عملت؟