عمرو يوسف يشكر الرئيس السيسي: حضرتك قدوة لكل الناس

وجه الفنان عمرو يوسف الشكر للرئيس عبد الفتاح السيسي بعد دعمه لأطفال احتفالية "قادرون باختلاف" التي أقيمت بمركز المنارة، قائلا "عايز أشكر حضرتك على مجهودك ودعمك لأطفال وقادرون باختلاف، حضرتك قدوة لكل الناس، نظرتنا وفهمنا لأولادنا بقا مختلف، ولادنا حسوا بفرق كبير في التعامل معهم في الشارع وفي المجتمع.

تحيا مصر يرصد رسالة شكر عمرو يوسف للسيسي. 

رد الفنان عمرو يوسف على الانتقادات التي تعرض لها بعد الفيديو الذي ظهر فيه لدعم لمستشفى 57357، كما عبر عمرو عن غضبه بسبب وجود ممن يحرمون تهنئة المسيحيين.

وقال عمرو يوسف عبر مداخلة هاتفية في أحد البرامج التلفزيونية: مش مصدق إن فيه ناس يطلع منها كلام زي ده، أنا بكلمك عن مستشفى فيها أطفال محتاجين علاج، وشغالة على على مدار السنوات اللي فاتت بفلوسنا وفلوس المصريين،  كامل احترامي لكل الدكاترة اللي بيعلموا مجهود خرافي وإحنا بندفع وبنقومها ومينفعش نسيبها تقع لأنها من أحسن المستشفيات.

عمرو يوسف: شئ محزن أن لسه في حد بيقول لا يجوز تهنئة المسحيين

كما عبّر عمرو يوسف عن استيائه من الهجوم الذي تعرض له شيخ الأزهر أحمد الطيب بعد تهنئة المسيحيين، قائلًا: حتى شيخ الأزهر أحمد الطيب اتهاجم لما نزل بوست بيهني فيه إخواتنا المسيحيين، إحنا وصلنا لأنهي مرحلة، يؤسفني إن لغاية يومنا هذا وفيه حد بيقول لا يجوز إننا نهني المسيحيين، والموضوعين مش مفصلوين عن بعض.

وأكد عمرو يوسف، أن الفيديو الذي دعم من خلاله مستشفى 57357، خرج من قلبه قائلًا: اللي بيطلع من القلب بيوصل للقلب، والمستشفى دي مفيش زيها في دول عربية أغنى مننا وأنا اتفرجت على حاجات في المستشفى تؤكد إنه صرح كبير.

وأكد عمرو أن مستشفى 57357 صرح عظيم ولا يصح أن نتركه ينهار، موضحة أنه يعلم بوجود أزمة اقتصادية على الجميع ولكن لابد من دعم المستشفى ومساعدة الأطفال لأنه يتم تقديم خدمات على أعلى كستوى في المستشفى.

عمرو يوسف يدعم مستشفى 57357

وكان قد طالب الفنان عمرو يوسف جمهوره ومتابعيه بالتبرع لـ مستشفى 57357 بعد معاناتها بسبب قلة التبرعات، وذلك من خلال منشور له عبر حسابه الشخصي على موقع تبادل الصور والفيديوهات “إنستجرام”، حيث نشر عمرو يوسف مقطع فيديو له، قال فيه: “محدش طلب مني أعمل الفيديو دا.. مستشفى 57357 هذا الصرح العظيم بيقفل.. المستشفى دا قائمة بشكل كبير على تبرعتنا وفيه فرع في طنطا سمعت أنه قفل”.

عمرو يوسف: اتبرعوا حتى لو بجنيه لأنه هيفرق في المستشفى

وتابع: “والحقيقة أنا بقالي فترة بسمع كلام كتير عن أن المستشفى حالتها صعبة جدا لأن التبرعات بتاعتها قلت، المكان دا أنا روحته من كذا سنة والحقيقة هو مكان عظيم والناس اللي هناك محترمة جدا والشغل اللي بيعملوه غيرطبيعي، طب دلوقتي فيه أزمة اقتصادية واحنا كنا بنتبرع بس دلوقتي احنا مش قادرين نتبرع.. مش مشكلة نتبرع.. كنت بتتبرع بكام.. لو كنت بتتبرع بألف خليهم 800.. مش قادر خليهم 500.. مش قادر خليهم 100.. صدقوني الجنيه بيفرق معاهم”.