بعد شائعة وفاة لمياء فهمي بالسرطان.. وفاء عامر: كنت منهارة لغاية ما جاتلي وشوفتها

أعربت الفنانة وفاء عامر عن استيائها الشديد من الشائعات التي انتشرت الساعات الماضية بخصوص وفاة الإعلامية لمياء فهمي، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل تعليق وفاء عامر على شائعة وفاة لمياء فهمي

حيث نشرت وفاء عامر مقطع فيديو لها قالت فيه: “أنا كنت في خضة بسبب السوشيال ميديا وبسبب المقاسي اللي بتحصل في السوشيال ميديا والشائعات اللي بتحصل".

وتابعت: "سيبكوا من أنها بتجيب في سيرة الأعراض دي وصلت لحد الخضة في الموت.. أنا لمياء جاتلي وكنت منهارة أقسم بالله.. ويا جماعة أرجوكم شوفولنا حل في اللي بيحصل للإعلاميين والشخصيات العامة”.

لمياء فهمي: ليه بتموتوني أنا عملتلكم ايه؟

ومنذ قليل، خرجت الإعلامية لمياء فهمي عبد الحميد لتعرب عن غضبها من شائعة وفاتها إثر إصابتها بمرض السرطان، وذلك من خلال فيديو نشرته عبر حسابها الرسمي بموقع تبادل الصور والفيديوهات انستجرام.

قالت لمياء فهمي خلال الفيديو: قولتوا قبل كدا عندي سرطان وطلعت في فيديو ورديت لكن ليه بتموتوني؟، ليه تقولوا نهاية الإعلامية لمياء فهمي؟ أنا عملتلكم إيه ولا جوزي عمل لكم إيه؟ اتقوا ربنا أنا اتخضيت ومقدرتش أسمع باقي الكلام عن وفاتي ولا أقرأ المكتوب على مواقع التواصل الاجتماعي، وخليتوا قرايبي يعيطوا عليا وأهلي يقلقوا، الكلام صعب جدًا.

وفاء عامر تطالب بالتبرع لمستشفى 57357

ومن ناحية أخرى، طالبت الفنانة وفاء عامر جمهورها ومتابعيها بالتبرع لمستشفى 57357 بعد مرورها بأزمة مالية، وذلك من خلال منشور عبر حسابها الشخصي على موقع تبادل الصور والفيديوهات “إنستجرام”.

حيث نشرت وفاء عامر مقطع فيديو لها، قالت فيه: “سامعين الصوت دا؟.. دا فلاش انتظار، الانتظار دا مش في الشارع، الانتظار دا للمرضى اللي مستنيين دورهم في 57357”.

وتابعت: “طول عمرنا بنمد ايدينا لبعض ومش هنسيب أبدا المستشفى دي تقفل عشان احنا فينا نخوة وفينا جدعنة وفينا شهامة وفينا اللي معاه بيدي للي ممعهوش، ياريت كلنا نتبرع ولو بجنيه، احنا 120 مليون لو 80 مليون اتبرعوا بجنيه الانتظار دا هيتوقف وأكيد مش هيبقى فيه حد عيان أو بيعاني أو بيتألم.. أرجوكم تبرعوا ل 57357”.