مواطن لـ بنك الاسكندرية ينشر: "بتجيلى رسائل إيداع وأنا مش عميل"

انتقد أحد المواطنين على مواقع التواصل الاجتماعي بنك الاسكندرية وتصرفاته مع العملاء، مشيرًا إلى إرسال بنك الاسكندرية أكثر من مرة إيداعه، وهو لا يمتلك حساب في بنك الاسكندرية على الاطلاق، ويقدم تحيا مصر كافة التفاصيل عن الشكوى المقدمة.

بخاف من المقالب ومش هشارك في رمضان هذا العام وسوبر هنيدي هيتحول لفيلم.. أبزر تصريحات محمد هنيدي

موسى للمواطنين: الرئيس السيسي مشغول بكم.. فيديو

بنك الاسكندرية

 قال أحد المواطنين على موقع "فيسبوك"،: "بنك الاسكندرية بيبعتلى رسايل بشكل مستمر من أكتر من 20 يوم عن عمليات إيداع فى حساب لى و باعتلى رقم الحساب واخر رسالة أن أتحط فى رصيدى 11ألف جنيi ده غير اللى قبل كده".

وأضاف: "المهم اللى عاوز اقولة أنى مليش اصلا حساب فى بنك الاسكندرية وحتى مليش أى تعاملات معاه، كلمونى وبلغونى أنهم عاوزين يدونى فيزا جديدة قولتلهم يا أخوانا مليش حساب عندكم بعتولى رقم الحساب و كود الفيزا فى رسالة على رقمي، لغاية ما روحت البنك فرع سوهاج وكتبت مذكرة بقولهم فيها مليش رصيد عندكم وأكيد فية غلط ولما كشفنا على رقم الحساب اللى مبعوتلى فى الرسايل طلع باسم شخص تانى من الحجيرات بقنا وأن الغلط من فرع للبنك فى قنا".

عملاء بنك الاسكندرية

واستكمل:"قولت كده خلاص بعد المذكرة والتفاصيل دى الموضوع انتهى اكتشفت اليوم وأمس برسايل تانى برضوا على رقمى تفيد عمليات إيداع تانى ".

وتابع: "زملائي اللى فاهمين فى موضوع البنوك ده.. ممكن حد يفهمني نصعد الموضوع إزاي".