والدة هاني قتله شاب بالدقهلية: ضربه بالسكينة في قلبه وحرمني منه|فيديو

«ضربه بالسكينة في قلبه وابني مات في وقتها ودا كله علشان بيكرهه».. بتلك الكلمات بدأت والدة الشاب هاني ضحية الغدر على يد سائق سيارة نقل بالدقهلية، وذلك إثر خلافات سابقة بينهم  منذ فترة بسبب أولوية الدور في تحميل السيارة النقل.

والدة الطالب محمد تعدى عليه زميله بالشرقية: ابني تم استئصال الطحال بتاعه والزائدة|فيديو

والدة سماح التي قتلها زوجها: متجوزاه من20سنة في عذاب معاه وكان بيشغلها|فيديو

قالت والدة الشب هاني والدموع على خديها لـ «تحيا مصر»:  "شغالين على عربية نقل تقيل وصاحبة دا كان بيعمل معاه مشاكل على طول وقاله يا هاني أنا هخلص عليك وهحرمك من ولادك وفعلا خطط أن يخلص على ابني وضربه بالسكينة في قلبة ومات في وقتها وهو بيجري على أكل عيشة".

والدة هاني تكشف تفاصيل مقتل نجلها

وأوضحت" حسبي الله ونعم الوكيل فيه إزاي قدر يحرم أم من ابنها هاني ابني كان قلبه أبيض وراح يحمل العربية بتاعته علشان يسافر ومسك السكينة وجري على هاني ابني وضربه بيها دا أنا بقيت بمشي أكلم نفسي كل يوم في البيت وأقول يا هاني".

وأضافت الأم الحزينة "هاني كان النفس اللي بتنفسه والروح اللي عايشة بيها  وكان أبويا وأخويا وصاحبي وكل حاجة في دنيتي دا لما كانت بتحصل مشكلة وأقوله خلاص يا هاني كان بيسكت علشان خاطري".

واستكملت الأم المكلومة حديثها قائلة: "  كان بيقولي نفسي أعيش وأربي بناتي وأشوفهم بفستان فرحهم وأربي ابني اللي في بطن مراتي ولسة ماشفش دنيا بس الظالم حرمني منه قبل ما حلمه يتحقق ويشوف بناته قدام عينية في فرحهم.

واختتمت الأم حديثها لـ «تحيا مصر» قائلة: " أنا عايزة حق ابني اللي راح غدر وهدر في عز شبابه دا حتى ملحقش يفرح ببناته اللي كل شوية بيسألوا عليه ويقولوا بابا فين يا تيتا إحنا عايزين نشوفه".

زوجة الشاب هاني ضحية الغدر على يد سائق

ومن جانبها قالت زوجة الشاب هاني الذي قتل غدرا على يد سائق سيارة نقل أثناء عمله" يوم الواقعة كان خارج الصبح بيضحك ومفيش أي حاجة خالص دا حتى باس بنته وقالها أنا هجبلك حاجة حلوة وأنا راجع من الشغل".

وأضافت الزوجة ودموعها على خديها لا تجف قائلة: "كان جوزي وروح قلبي مش مصدقة أنه مبقاش موجود جنبي وقلبي بيتقطع وموجوع من الحزن علية".