سيد علي لـ «وزيرة التضامن» بعد تبرعها لمستشفى57357: حضرتك روحتي مشتشفى 57 لانها بقت التريند.. فيديو

قال الإعلامي سيد علي، إن مستشفى سرطان الأطفال 57357، أصبح تريند عقب إفصاحه عن أزمته المالية ونقص التبرعات و الموارد المالية.

تحيا مصر

وأضاف علي، خلال حلقة اليوم من برنامجه "حضرة المواطن" المذاع عبر فضائية "الحدث اليوم"، :"أنا من خلال البرنامج ومن خلال مقالاتي تكلمت كتير عن مجانين التريند وإن السوشيال ميديا أصبحت تحكم حياتنا".

سيد علي: السوشيال ميديا أصبحت تحكم حياتنا

وتابع:"فاكرين واقعة رجل مطعم كشري التحرير فاجأة الفنانين اتبنوه وعملوا تمثال من العجوى وفي الاخر ياكلوه، معقبا:"متابع أنا موضوع التريند دا، لكن برفض أشتغل عليه زمايلي في الإعداد مجموعة شباب كل شوية يجيبوا يل موضوع ويقولولي يا ريس دا تريند أقولهم مش عايزه".

وواصل:"كل ما فرد من أفراد البرنامج عندي يقول لي يا ريس فلان تريند نجيبه أقولهم مش عايزه، والحقيقة تصرفي هذا ممكن لا يقبل الكثير".

وأكمل:"لكن لما يكون التصرف من وزيرة، يبقى لازم نوقف شوية ، معقبا:"أنا من بني سويف وأعلم حجم المعاناة اللي عندنا في المحافظة وأعلم حال المرضى وأصحاب المعاشات واللي بياخد معاش الف جنيه وأقل من الألف وبيعاني في العلاج وأعلم أن هؤلاء هم الأولويات".

سيد علي لوزيرة التضامن: حضرتك جريتي وراء التريند

وأردف:"أيضا أعلم حال مستشفى أبو الريش والقصر العيني و الحميات وكم تعاني تلك المستشفيات بشكل غير عادي وهي مستشفيات حكومة، معقبا:"رغم كل دا وكل تلك الاحتياجات التي تحتاجها المستشفيات الأخرى تفاجأت بأن معالي المحترمة وزيرة  التضامن تجري زيارة لمستشفى سرطان الأطفال وتتبرع بمبلغ مالي وصل لـ 75 مليون جنيه".

ووجه الإعلايم سيد علي حديثه للوزير، قائلا:" أنا بعتذر سيادة الوزيرة إني هقولك كل التعلقات اليوم بتقول إنك سبتي كل المستشفيات الدمرداش والقصر العيني والوحدات الصحية بالريف وحضرتك روحتي مستشفى سرطان الأطفال لانها بقت التريند".

وأضاف :"سيادة الوزيرة كافة مستشفيات مصر تحتاج زلكن معندهمش فلوس يعملوا إعلانات ولا يبقوا تريند ومحتاجين حد يطبطب عليهم مش يتبرعلهم، معقبا:"سيادة الوزيرة ركوب التريند ممكن يكون مسموح بيه لأي حد في مصر لكن من حضرتك كوزيرة مش مقبول، وكان هناك مستشفيات أولي بـ 50 مليون بس".