ياسمين عز للسيدات: اللي يعاشر مرات أبوه توحشه أمه.. خليكي سوسه وداري على جوزك

وجهت الإعلامية ياسمين عز نصيحة للسيدات، وخاصةً الزوجة الثانية، وذلك خلال برنامجها كلام الناس الذي يُعرض عبر قناة أم بي سي مصر.

تحيا مصر يرصد لكم تصريحات ياسمين عز

وقالت ياسمين عز خلال برنامجها كلام الناس: لما واحدة تكون مصاحبة واحدة وتاخد جوزها منها خليه وسيبيه واللي يعاشر مرات أبوه توحشه أمه، هو عاش معاكي سنين كتير وفي عشرة  وولاد وتعود.

وتابعت: سبيه يعاشر مرات أبوه ويشوف مرات أبوه، وعدي الزمن واقعدي رجل على رجل واشربي قهوتك  والدنيا هتلف وحقك هيجي لحد عندك.

وأضافت ياسمين: في حاجات مش بيتعرف قيمتها  إلا بعد وقت بس اتعلمي من غلطتك، و بيقولك  دايمًا غرف النوم مغلقة والمقصود بيها المنزل، والمفروض بيتك يبقى مغلق أنا عارفة أننا في مصر حبوببين زيادة  عن اللزوم وتحبي تفضفضي مع جارتك وأختك وصاحبتك ومع مرات حارث العمارة وهما طيبين أنا عارفة فضفضي.

ياسمين عز للسيدات: خليكي سوسة وداري على جوزك

واستكملت: عند جوزك خليك لئيمه يبقى في لؤم  انتي لما تعمليه يبقى حاجه محببه لأنه لؤم  طيب مش شرير وخليكي سوسة طيبة مش شريرة لما تداري تفاصيل جوزك  ده الطبيعي.

ياسمين عز: جوزك بيتقفل منك لما تقوليله سيب فلوس قبل ما تنزل

وجهت الإعلامية ياسمين عز رسالة إلى السيدات، وذلك خلال برنامجها كلام الناس الذي يُعرض عبر قناة أم بي سي مصر، وقالت ياسمين عز: الستات اللي بتزهق جوزها وبتخليه عايز يروح  اللي يسمع منها  كلمة تقدير واحترام وحب ومحبة وود والنبي بلاش جملة سيب فلوس قبل ما تنزل وأطفي النور وخد كيس الزبالة من الصبح كده قفلتيه.

ياسمين عز: الراجل أهم من الفلوس

وتابعت: هقولك على حاجة الراجل احسن من الفلوس الراجل يجيب فلوس لكن الفلوس متجبش راجل، والراجل يعمل فلوس لكن الفلوس متعملش راجل .. جوزك يقدر يجيب فلوس لكن الفلوس متجبش جوز يا حبيبتي، ياما ناس معاها فلوس وممعهاش راجل ليس المال أنه الشحخص الراجل، وأنا وراكوا والزمن طويل البرنامج ده مفتوح  عشان نقول الصح وبس.