ياسمين عز لمنتقدي نادية الجندي: مش عيب انها تحافظ على جمالها.. وادعي ربنا تكوني زيها

حرصت الإعلامية ياسمين عز على دعم الفنانة نادية الجندي بعد تعرضها للهجوم بسبب أخر جلساتها التصويرية، والتي ظهرت خلالها بـ إطلالة شبابية وناعمة كعادتها.

تحيا مصر يرصد في ذلك القترير دعم ياسمين عز لـ نادية الجندي

ياسمين عز تدعم نادية الجندي: قلدوها بدل ما نضياقها بالكلام

قالت ياسمين عز خلال برنامجها “كلام الناس”، المذاع على قناة mbc مصر، موجهة حديثها لـ منتقدي ومهاجمي نادية الجندي:أنا وأخويا على ابن عمي وأنا وابن عمي على الغريب.. سنها إيه اللي تحترمه؟ دا إحنا اللي المفروض نحترم سننا، هو عيب الست تحافظ على جمالها؟ أنتوا عايزينها تتقوقع وتكتئب؟.

وتابعت: قولي ما شاء الله وادعي ربنا تكوني زيها وقلديها وبدل ما نضايقها بالكلام نشجعها، هو أنتي هتخللي؟ ما كلنا هنعجز، و الست في حالها ولا بتغلط في حد ولا بتجيب سيرة حد وعندها روح شبابية باينة على وشها.

ياسمين عز: بتمجدوا في اللي برة ونيجي على بنتنا نادية الجندي ونعيب عليها؟

واختتمت: أنا مش بتفرس من كلامكم ولكني بستغرب أنكم بتمسكوا فنانين برا زي جوليا روبرتس وتقولوا الله عليهم مش بيحقنوا وسايبين نفسهم، وتمجدوا فيهم، ونيجي عند بنتنا نادية الجندي نعيب عليها؟ دا المفروض نكون معاها.

وكانت نادية الجندي شاركت الجمهور مؤخرا، مجموعة صور لها عبر حسابها الرسمي بموقع تبادل الصور والفيديوهات انستجرام، تودع من خلالها سنة 2022، وعلقت عليها: نقفل تريند رقم 12 في سنة 2022 بأحدث جلسة تصوير، وكل عام وأنتم بخير وطيبين وسنة 2023 سعيدة علينا جميعًا.

نادية الجندي ومعاناتها مع الشهرة

من ناحية أخرى، كانت قد تحدثت الفنانة نادية الجندي عن بداية مسيرتها الفنية، فقالت خلال ضيافتها في برنامج كلام الناس المذاع على قناة mbc مصر:  “أنا أكتر واحدة اتحاربت في الوسط وأكتر واحدة صادفها مقامرات وصراعات وحاربت في الصخر عشان أوصل، لما عملب بمبة كشر من أوله لأخره اتحاربت بطريقة شنيعة ولو الحجات دي كانت قصرت فيا مكنتش وصلت لده دلوقتي، لكن ربنا اللي كان بيقويني وجمهوري، لدرجة اني أعمال نادية الجندي بتحقق نسب مشاهدة كأنها لسة معروضة  النهاردة”.