ياسمين عز: الراجل أحسن من الفلوس والبرنامج مفتوح عشان نقول الصح فيه

وجهت الإعلامية ياسمين عز رسالة إلى السيدات، وذلك خلال برنامجها كلام الناس الذي يُعرض عبر قناة أم بي سي مصر.

تحيا مصر يرصد لكم تصريحات ياسمين عز

وقالت ياسمين عز في برنامجها كلام الناس: الستات اللي بتزهق جوزها وبتخليه عايز يروح  اللي يسمع منها  كلمة تقدير واحترام وحب ومحبة وود والنبي بلاش جملة سيب فلوس قبل ما تنزل وأطفي النور وخد كيس الزبالة من الصبح كده قفلتيه.

ياسمين عز: الراجل أهم من الفلوس

وتابعت: هقولك على حاجة الراجل احسن من الفلوس الراجل يجيب فلوس لكن الفلوس متجبش راجل، والراجل يعمل فلوس لكن الفلوس متعملش راجل .. جوزك يقدر يجيب فلوس لكن الفلوس متجبش جوز يا حبيبتي .

وأضافت: ياما ناس معاها فلوس وممعهاش راجل ليس المال أنه الشحخص الراجل  

واختتمت: أنا وراكوا والزمن طويل البرنامج ده مفتوح  عشان نقول الصح وبس.

ياسمين عز تعلق على واقعة البلوجر رهف الشامي

وعلقت ياسمين عز على واقعة البلوجر الشهيرة “رهف الشامي"، بعدما أعلنت خطوبتها على سامح أبو الحسن زوج صديقتها المقربة، موجهة عدة نصائح للسيدات وتحذيرات هامة بشأن الأصدقاء، وقالت ياسمين عز: من كام يوم على نفس الكرسي ومن نفس المكان، قولت لكل ست بتسمعني خلي بالك من جوزك خلي بالك على خطيبك من صحباتك وخصوصا القريبين منك أوي، وقتها طلعتوا هجمتوني، مفيش كام يوم اللي كانوا معترضين على كلامي طلعوا قالوا ياسمين عندها حق، الست المنهارة عشان صحبتها أنتمتها خطفت منها واتجوزته ومن جبروتها كاتبة اتحقق الحلم اللي من 10 سنين، ممكن يكون وحدة داخلة على صحبتها 10 سنين في البيت وهي بتحب جوزها والتانية المسكينة الغلبانة ولا هنا والتانية بتخزن كلامها عشان تاخده ع الجاهز.

ياسمين عز تحذر من الأصدقاء: بتسخنك على جوزك وبتظهر قدامه في دور الملاك البريء

ووجهت ياسمين عز مجموعة نصائح للسيدات، فقالت: صحبتك دي اللي في أول خنافة مع جوزك بدل ما تهديكي هتلاقيها بتقويكي وتسخنك عليه، صحبتك دي اللي بيكون  متهيألك إنها في صفك وبتنصرك على جوزك وبتأيدك في قرارتك على حسابه لكن عكس كدة خالص بتكون مش عيزاكي سعيدة وعيزاكي في خناقة بينك وبين جوزك ، ومش بعيد تلاقيها من وراكي بتكلمه تقوله هي بتعاملك كدة ازاي وهتفضل مستحملها لحد إمتى لحد ما تظهر في دور الملاك البريء ومع الوقت بيتشد ليها وانتي نايمة على نفسك وحاطة رجلك في الشمس، لحد ما تيجي الطوبة في المعطوبة وتقع الفاس في الراس وتلاقيهم متجوزين وانتي خدتي البومبة الكبيرة، وعلمونا زمان ان الوقاية خير من العلاج صحبتي عيني وعلى راسي في كل حاجة إلا جوزي كلميها عن كل حاجة في حياتك إلا جوزك، هي ملهاش علاقة بيه ولا بتفاصيله، متجيش تقولي بعد ما صحبتك تخطف فرعونك إنها فاسدة ووحشة، كنتي مصحباها ليه من زمان يعني هي كانت وحشة وانتي طير من طيور الجنة!،  أكيد كنتي شايفة بس بتنطنشي.. امسكي فرعونك في إيديكي وإعرفي أنه لو اتساب مش هيتجاب.