تحيا مصر ينشر شهادة الدكتور جمال شعبان فى مستشفى 57357 ومديرها شريف أبو النجا

قال الدكتور جمال شعبان عميد معهد القلب السابق، أنه من واقع زيارته لـ معهد سرطان ٥٧ أكثر من مرة، فإن المستشفي smart hospital مطابق للمقاييس العالمية من حيث الجودة والنظافة ومكافحة العدوي وبروتوكولات التشخيص والعلاج وتسجيل البيانات والرقمنة والأبحاث والانضباط  وروح الفريق المصطف خلف قيادته.

تحيا مصر 

شهادة الدكتور جمال شعبان فى مستشفى 57357

وأضاف: المستشفي فيها متدربون من أمريكا يأتون للتدريب المستشفي مفخرة لنا كمصريين، معقبا:" المستشفي مش عزبة زي ما الناس فاكرة، المستشفي تحت رقابة الدولة مش سداح مداح، المستشفي  فيها أحلام طفل السرطان واقع وطلباته أوامر، فيها مطبخ ومخبز بيعمل ما يتمناه ويطلبه الاطفال، مفيش قايمة طعام ثابتة، بتمر المشرفة علي كل طفل تعيس في غرفته كل صباح، وتقول له تحب تاكل ايه النهارده ، اي طعام يطلبه يتم تجهيزه.

وتابع: المستشفي بيقدم أعظم خدمة إنسانية لأكثر إنسان تعيس في الأرض طفل السرطان، أنا لما دخلت عنبر العلاج الكيماوي وسمعت أنين الاطفال  وهم بياخدوا الكيماوي بكيت بالدموع، نفسي قبل ما تشير كلمة تحرم طفل تعيس من علاجه اللي بتوصل تكلفته لملايين الجنيهات  تروح تشوف وتبكي زي ما بكيت.

وزارة التضامن تتبرع بـ75 مليون جنيه لدعم مستشفى سرطان الأطفال 57357

عمرو أديب يحذر: مستشفى 57357 هيقفل وهيتحول لفندق لو ملحقنهاش

واستكمل: شريف ابو النجا مش مجرد مدير للمستشفي، لكن زي ما غنيم مؤسس لمركز غنيم، وزي ما يعقوب مؤسس لمركز يعقوب، شريف هو كمان مؤسس المستشفي  بمعاونة الراحلة العظيمة علا غبور، شريف أبو النجا ابن بلد متواضع ، مكتبه متر في متر، محبوب من كل الفرق الطبية والكوادر العلمية والبحثية  في المستشفي، ومن أصغر عامل إلي أعلي بروفيسير يعشقونه ويؤمنون به شريف ابو النجا، حافظ كل حبة رمل وكل حجر شريف عارف مصدره منين ومسيره فين ومصيره إلي فين، شريف ابوالنجا  بيعمل أحسن استخدام للموارد، واقتربوا من تصنيع أدوية السرطان الغالية.

 جمال شعبان: ساهموا في استمرار مستشفي ٥٧ لا تشاركوا في هدمه  

وأضاف: شريف ابو النجا عنده أعظم فريق بحثي في الصيدلة الإكلينيكية، ومعامل أبحاث لا نظير لها، شريف ابو النجا مش دكتاتور ، شريف معاه فرق إدارية علي مستوي عصري، شريف ابو النجا مش حرامي، شريف رجل شريف، شريف ابو النجا  عيبه انه مش فصيح العبارة ما بيعرفش يتكلم، بيعرف يشتغل وبس.

وقال الدكتور جمال شعبان: ساهموا في استمرار مستشفي ٥٧ لا تشاركوا في هدمه، معقبا:" عايزين في مصر مستشفيات كتير بمستوي 57".