ياسمين عز: صوتي سهتان وناعم.. والراجل نعمة لازم يحس بهيبته في البيت

بدأت الإعلامية ياسمين عز حلقتها في برنامج “كلام الناس"، الذي تقدمه الإعلامية ياسمين عز على قناة mbc مصر، بالرد على منتقديها على السوشيال ميديا.

تحيا مصر يرصد في ذلك التقرير رد ياسمين عز على منتقديها

شميتي ريحة عيال ميسي فين؟.. ياسمين عز تجيب: بالسينس 

قالت ياسمين عز ردا على سؤال أحد متابيعها بشأن تصريحاتها عن أولاد ميسي، فقالت: في واحدة سألتي سؤال عجبني بصراحة وهي شميتي ريحة عيال ميسي فين، أقولت عرفت ازاي، عرفت بالسينس اللي بيخليكي تشكي في جوزك وهو بيبتسم بطفولية في التليفون وانتي فكراه بيخونك وظلماه، بالسينس اللي بيخليكي تشوفي الشعراية اللي على كتفه وهي  بتكون من عند الحلاق لأنه كائن بريء.

ياسمين عز لمنتقدي نبرة صوتها: شتوي وناعم وسهتان وبتحتاجوه أما تتخطبوا

وردت ياسمين عز على منتقدي نبرة صوتها الهادئة، فقالت: أنا صوتي خامته شتوية، ودا بيكون ناعم ودافي وسهتان ونعسان شوية، لكن الصوت الصيفي بيكون عالي حاد ومزهزه شوية ومش بيفصل وخامت صوتي الشتوي بدون تحيز أحلى، لأنك أول ما تتخطبي أو ترتبطي بتحولي صوتك عشان يبقى شبهي وبعد الجواز بيرجع صوتك الصيفي العالي تاني.

وتابعت ياسمين عز: لكن الراجل ربنا خلقه صوته حاد وجذاب وبيكون كروان بيغرد في البيت.

ياسمين عز: الرجل نعمة من نعم ربنا زي الأكل والشرب وأحلى كمان وبيكون في أداب للتعامل معاه

وتحدثت ياسمين عز عن أهمية الرجل في المنزل، فقالت: الرجل نعمة من نعم ربنا زي الأكل والشرب وأحلى كمان ولازم يكون فيه أداب للتعامل معاه، لو انتي بتتكلمي مع صحبتك في التليفون أو مامتك أو اختك وسمعتي جوزك دخل من الباب فورا تقفلي عشان الفرعون الكبير وصل من غير ما يرمش ولا يبصلك حتى، لازم يحس إن دخوله ليه هيبة، وتحترميه أكتر ما احترمنا للمدرس، وجوزك بس اللي من حقه تتعاملي معاه بذوق.

وأضافت: كوني مع الناس جعفر وجوزك وخطيبك أنعم من يكون، وإخنفي وانتي وبتتكلمي وادلعي وكل ما تخنفي أكتر كل ما هيقرب ليكي أكتر، اللسان الطيب يكسب لا مال ولا جمال بينفع، طلعيله الصوت الحنين وأوعي تكوني ناشفة وخلي صوتك شتوي.