زيزي عادل عن اعتزالها: قولت مش هاخد اللايكات والكومنتات معايا أما أموت لكن هاخد أعمالي في الدنيا

كشفت المطربة زيزي عادل عن سبب اعتزالها الغناء، رغم أنها كان قد بدأ يذاع صيتها في الوسط النفي، مشيرة إلى أن القرار كان صعبا وفكرت به في وقت انتشار فيروس كورونا.

تحيا مصر يرصد في ذلك التقرير تفاصيل اعتزال زيزي عادل الغناء

قالت زيزي عادل خلال حلولها ضيفة على برنامج “كلام الناس”، الذي تقدمه الإعلامية ياسمين عز على قناة mbc مصر: كنت بفكر في الاعتزال من فترة كبيرة وكنت مواظبة على الصلاة في الفترة اللي كنت بعمل فيها ألبومات، وروحت لمصطفى حسني عايزة أعتزل وكل كلامي كان على الغناء، وكنت رايحة وعارفة إن أنا صح بس أنا كنت عايزة أسمع ده من حد اهل ثقة عشان أكون مطمنة وقلبي مرتاح، وكنت عايزة حد يشجعني اكتر.

زيزي عادل: مكنتش عايزة أبقى متاحة لكل الناس وحاولت أمسح كل أغنياتي

وتابعت عن حرمانية الفن: عشان أغني لازم أعمل فيديو كليب وأكون لابسة لبس معين، وكلام الأغنية لو فيه حب أو عتاب فده غلط، الفكرة كلها على بعض غلط، وأنا أما أطلع على مسرح أكيد هلبس فستان معين وهعمل حركات مع المزيكا.

وأضافت:  فيه موبيالات بتطلع تعمل زوم على الحتة اللي هو عايزها، فأنا معرضة أتصور على كل موبايلات الناس دي، فليه أكون متاحة لكله، وحاولت على قد مقدر لبسي يكون محتشم، ومبقتش ألبس حاجات قصيرة أول مفتوحة، ودخلت مسحت كل صوي والفيديوهات بتاعتي، اللي مش هقدر أمسحها الأغاني وده مصطفى حسني قالي ربنا مش هيحسبك عليها من أول ما قررتي.

زيزي عادل تكشف حقيقة ارتدائها الحجاب

واختتمت: مكنتش محجبة  أنا كنت بعمل ألبوم غنائي ديني، واعتزلت بعدها وكنتب عاملة فيديو بعلن فيه اعتزالي وانا بشعري، بس الناس ربطوا اعتزالي بالحجاب، والحقيقة إن دي أحلى اشاعة طلعت عليا، وكان قرار سليم إن أقول للناس كلها  إني اعتزلت رغم هجوم البعض وكمية الدعا اللي أخدته والناس اللي كانوا مبسوطين، وممكن أكون صحيت حتة في ضمير ناس، وفيه مطربة بعتتلي بجد بشجعك ونفسي أخد قرار زي ده، واتبسطت أوي ان فيه حد أن شجعته حتى لو بنسبة 1%.