زيزي عادل في أول ظهور لها بعد الإعتزال: متحجبتش لكن دي أحلى إشاعة طلعت عليا

حلت المطربة زيزي عادل، نجمة ستار أكاديمي ضيفة على برنامج “كلام الناس”، اللي بتقدمه الإعلامية ياسمين عز على قناة mbc مصر، وذلك في أول ظهور لها بعد اعتزالها الغناء.

تحيا مصر يرصد في ذلك التقرير تصريحات زيزي عادل في برنامج كلام الناس

زيزي عادل: مكنتش محجبة وقرار الاعتزال وخداه من سنتين قبل ما أعلن

قالت زيزي عادل ردا على شائعة ارتدائها للحجاب: مكنتش محجبة  أنا كنت بعمل ألبوم غنائي ديني، واعتزلت بعدها وكنتب عاملة فيديو بعلن فيه اعتزالي وانا بشعري، بس الناس ربطوا اعتزالي بالحجاب، والحقيقة إن دي أحلى اشاعة طلعت عليا.

وعن مساندة الداعية مصطفى حسني لها في قرار الاعتزال، فقالت: شخص محترم واستفدت بكل حاجة قلهالي، وكان من ضمن الحاجات اللي قالها أما قولتله من وقت ما غنيت وأنا حاسة اني ببطل، وكنت بصلي طول الوقت وانا بغني وهو قالي انتي مقطعتيش الصلة بينك وبين ربنا، وربنا اختارك دلوقتي بالذات انك تبطلي.

زيزي عادل: إني أقول للناس اعتزالي ده كان قرار سليم وفيه مطربة قالتلي نفسي أعمل زيك

وتابعت: كان قرار سليم إن أقول للناس كلها رغم هجوم البعض وكمية الدعا اللي أخدته والناس اللي كانوا مبسوطين، وممكن أكون صحيت حتة في ضمير ناس، وفيه مطربة بعتتلي بجد بشجعك ونفسي أخد قرار زي ده، وقولتها أتمنالك كل خير وإن شاءالله هتاخدي القرار الصح، واتبسطت أوي ان فيه حد أن شجعته حتى لو بنسبة 1%.

وأضافت، كاشفة عن صعوباتها في اتخاذ القرار، فقالت: حصلي لحظة تردد وتذبذب بسيطة بس الحمدلله قدرت أعدى الاختبار ده وده بفضل مدير أعمالي والداعية مصطفى حسني، وطبيعي تتعرضي لاختبار عشان ربنا يختبر الصدق في كلامك، بس أنا بقالي سنتين كنت ثابتة على قراري، وأنا أعلنت القرار في رمضان اللي فات والناس كلها كنت مبسوطة كأني لسة معتزلة في الوقت ده، وكنت معلنة عشان الناس متكلمنيش وتبعتلي شعراء وملحنين وكدة.

تصريحات ياسمين عز المثيرة للجدل

جدير بالذكر، انه أثارت الإعلامية ياسمين عز الجدل في الساعات القليلة الماضية بسبب تصريحاتها عن الزوج والزوجة، فقالت: كوني مع الناس جعفر وجوزك وخطيبك أنعم من يكون، وإخنفي وانتي وبتتكلمي وادلعي وكل ما تخنفي أكتر كل ما هيقرب ليكي أكتر، اللسان الطيب يكسب لا مال ولا جمال بينفع، طلعيله الصوت الحنين وأوعي تكوني ناشفة وخلي صوتك شتوي.