ياسمين عز لـ السيدات: اخنفي وانتي بتتكلمي مع جوزك وإتدلعي عليه عشان تملكيه

أثارت الإعلامية ياسمين عز الجدل بنصائحها الجديدة للسيدات بشأن كسب ثقة زوجها لها، وعلاقة زوجية سعيدة، وذلك خلال برنامجها الشهير “كلام الناس”، الذي تقدمه الإعلامية ياسمين عز على قناة mbc مصر.

تحيا مصر يرصد في ذلك التقرير تصريحات ياسمين عز في كلام الناس

ياسمين عز: رجل نعمة من نعم ربنا زي الأكل والشرب ولازم يكون في أداب للتعامل معاه

تحدثت ياسمين عز في البداية عن ردود فعل المطلقات بعد طلاقها، فقالت: في نوعية ستات أما بتتطلق بتعيش حياتها عادي، والناس بيقعدوا يقولولها يروح في داهية.. ازاي يجماعة ده لو فستان فرحك باظ بتزعلي عليه، يبقى مش هتزعلي على جوزك، وأنا بشببه مش الرجل الفرعون المصريين القدماء بفستان.

ياسمين عز: الطلاق وخراب البيوت مش سهل

وتابعت: الطلاق وخراب البيوت مش سهل أبدا، الطلاق في حد ذاته كبير وبيوجع وبيبن جرح لأي ست، احكو لبعض عن مشاكلكم وقولوا لبعض اي اللي مضايقكم أول بأول، وخلي بالك أصل الحكاية بتبدأ ديما بإن الراجل يقول لست إن حاجة مش عجباه فتنسى وتعملها، فيضطر يسبلها البيت ويمشي.

وأضافت ياسمين عز: بحب الستات اللي بتعرف جوزها من نظرة ومن أدائه في فتح باب البيت، لو فتحه براحة بتعرف أنه هادي ولو فتحه بعنف بتقابله تسأله مالك يحبيبي إيه مضايقك وتعمله قهوة وتقعد تسمعه بكل جوارحها، وأما يفضفض في علم النفس نص مشكلته بتتحل.

ياسمين عز: اخنفي وانتي بتكلمي جوزك عشان يحبك أكتر

ووجهت ياسمين عز عددة نصائح للستات، فقالت: كوني مع الناس جعفر وجوزك وخطيبك أنعم من يكون، وإخنفي وانتي وبتتكلمي وادلعي وكل ما تخنفي أكتر كل ما هيقرب ليكي أكتر، اللسان الطيب يكسب لا مال ولا جمال بينفع، طلعيله الصوت الحنين وأوعي تكوني ناشفة وخلي صوتك شتوي.

واختتمت: مبحبش الستات اللي بتقتدي بالست اللي بعد ما اتطلقت من الراجل تاني يوم تكون عايشة حياتها، مبحبش النوع ده عيطي واحزني واندبي وابكي واظهري بعد سنة حتى المهم تكوني تعافيتي، لكن تطلقي وتاني يوم تخرجي مع صحباتك أول تظهري نفسك إنه مش هامك هتخسري حاجة، جوزك التاني  لو شافك عملتي كدة مع الأولاني هيكون قلقان منك.