"بخاطب وجدانكم ومشاعركم".. أحمد السقا يدعم مستشفى 57357 ويُطالب الجمهور بالتبرع

حرص الفنان أحمد السقا على دعم مستشفى 57357 وذلك بعد مرورها بأزمة مالية، كما طالب جمهوره بسرعة التبرع إلى المستشفى وانقاذها.

تحيا مصر يرصد لكم دعم السقا لمستشفى 57357

ونشر السقا فيديو عبر حسابه بموقع تبادل الصور والفيديوهات انستجرام وعلق: احنا طبيعتنا كمصريين ملئيين بالمشاعر والانسانيات، وانا بخاطب وجدانكم ومشاعركم انقذوا 57357 وانا أول الداعمين وربنا يقدرني ويقدركوا ويقدر اللي هيساعدوا.

نجوم الفن يدعموا مستشفى 57357

وحرص عدد كبير من نجوم الفن على دعم مستشفى 57357 وذلك بعد ازمتها الاخيرة ومنهم الفنانة علا رشدي والتي نشرت فيديو عبر حسابها بموقع تبادل الصور والفيديوهات وقالت فيه:كنت هستكفي اني اعمل شير لبيانات 57357  لكن قررت أعمل فيديو يمكن كلامي يوصل لحد ويأثر فيه ويعمل تبرع،  أنا روحت المستشفى السنة اللي فاتت ولما عرفت الوضع اتاكدت أن الوضع ده حقيقي والفلوس قربت تخلص ومن السنة اللي فاتت وروني الديون.

وأضافت: هما بيصرفوا على الاولاد والدكاترة بيعملوا شغل كويس جدًا  وبيهتموا بنفسية الأطفال وكأنها مستشفى خاصة، و هي محتجانا ومحتاجة نساعدها واللي يقدر يتبرع باي حاجه يتبرع واللي يقدر يزور ياريت يعمل كده، كما عقلت علا على الفيديو قائلة: ياريت نتبرع من غير ما نفكر كتير او نحسبها… بجد مش هتفرق معانا الـ ١٠٠ جنيه او الـ٢٠٠ جنيه… قد ما هتفرق معاهم…ربنا يتقبل و نقدر نرجع المستشفي زي ما كانت واحسن و يفتحوا فروع في كل حته في مصر…. عشان خاطر الاطفال.

مايان السيد تدعم مستشفى 57357

وحرصت الفنانة مايان السيد على دعم مستشفى 57357 حيث نشرت مايان السيد مجموعة صور لها من داخل المستشفى، وعلقت عليها قائلة: "اتبرعوا باللي تقدروا عليه.. دا أكتر وقت هما محتاجينا فيه، أطفال كتير محتاجين مساعدتنا عشان يكملوا علاجهم".

عمرو محمود ياسين يدعم مستشفى 57357

كما قال الفنان عمرو محمود ياسين على دعم مستشفى 57357 في منشور عبر حسابه بموقع التواصل الاجتماعي فيسبوك:صباح الخير.. طبعًا المستشفى  دي من إنجازات الشعب المصري في العصر الحديث.. ولما تطلع المستشفى تستغيث  بإنها مهددة بالاغلاق يبقى تحرك الناس امر حتمي  وضروري  و بأي مبلغ  تقدر عليه ، والطرق سهلة جدا.. ربنا يجعلكم سباقين للخير دايما.

وأضاف: محدش يكلمني عن دور الدوله.. المستشفى دي بالذات من انجازات المجتمع المد…. دي اتأسست ع ايد الشعب المصري.. ولذلك وجب علينا رعاية  مشروعنا بنفسنا دون انتظار احد.