نسرينا: اكتسبت من الإعلانات حب الناس وشهرتي جت بالصدفة

حلت الفنانة نسرينا ضيفة على برنامج كلام الناس الذي تقدمه الإعلامية ياسمين عز ويُعرض عبر قناة أم بي سي مصر وتحدثت نسرينا عن بدايتها الفنية وسبب ابتعادها عن التمثيل.

تحيا مصر يرصد لكم تصريحان الفنانة نسرينا

وقالت نسرينا: جمالي حاجة من عند ربنا وبيني وبين ربنا عمار وبيجيلي حالات أكتئاب ومش عايزة أشوف حد بس بتعايش وكله من عند ربنا.

نسرينا: جربت البوتوكس مرة وندمت

وتابعت: باخد بالي من نفسي وبعمل الطبيعي ومش بحب اغير شكلي ولما بحس ان شكلي متغير مش بحبه وانا هكبر أكيد، وجربت البوتوكس بس لقيت شكلي اتغير ومش ضحكتي ولا وشي ومش حابة شكلي يتغير وقولت مش هجربه تاني.

وتحدثت نسرين عن ابنائها وقالت: كنت ببقى فرحانه بولادي وبنزل صورهم على السوشيال ميديا بس بعدها كان بيتعبوا ومبقتش انزلهم حاجة،  والحسد مذكور في القران بس مش عندي فوبيا.

وكشفت نسرينا أن والدها سورية وولدت في سوريا وكانت تقضي معظم اوقاتها في سوريا هي وشقيقتها.

نسرينا: شهرتي جت بالصدفة

واوضحت نسرينا أنها دخلت المجال الفني بالصدفة، وقالت: شهرتي جت بالصدفة وانا مكنتش ناوية أعمل إي حاجة وروحت التصوير صدفة مع اختي وكان عندي 13 سنة ومحمد سامي شافني قالي عايزة تعملي إعلانات قولتله ماشي وجربت وعملت اعلانات خلاط وصورت الاعلان .

وكشفت نسرين: ابني الكبير قاري فاتحة وانا بحب خطيبته جدًا وأحنا صحاب جدًا وهي بنت مثقفة ومحترمة ومش بيتحشر بينهم وخدوا بعض عن الحب ومينفعش ادخل أو اضغط عليهم ساعات ابني بياخد رائي وانا طول عمري مش بدخل في اللي مليش فيه.

وكشفت سبب ابتعادها عن التمثيل وقالت: آخر عمل كان في 2013،  وكنت شغالة مع الفنان محمد صبحي وكنت بعمل الجزء السادس والسابع من ونيس واعتذرت عن الجزء الثامن عشان كان في ثورة 25 يناير.
وتابعت: اولادي كانوا محتاجني و2009 و2010 كنت بشتغل و ده اثر على الولاد ومحمد صبحي تقبل ومزعلش مني وفي ود بينا.

واستكملت: طول عمري بيطلع عليا اشاعات طلع اني اتجوزت ملياردير وبعدها اتجوزت حد ورمى في وشي ماية نار وكان في حد من الوسط الفني كانوا بيقولوا نسرينا مش موجودة وسافرت وعادي لو مكنتش كملت مكنتش هبقى مرتاح ومكنش هيبقى خير ليا.

نسرينا: أنا نجحت في حياتي بتربيتي لولادي

واضافت: ابني كان بيسالني عن شغلي قولتله انا نجحت في تربيتكوا وده بالنسبالي نجاح واني اوقفك على رجلك ده نجاح.