ياسمين عز: ميسي خسر كأس العالم 2014 عشان مكنش متجوز مراته انتونيلا رسمي وأمه عرفت تربي

تحدثت الإعلامية ياسمين عز عن فوز الارجنتين بكأس العالم وذلك على حساب فرنسا، كما تحدثت عن زوجة ميسي أنتونيلا، ودعمها الشديد له والذي ظهر في نهائي كأس العالم.

تحيا مصر يرصد لكم تصريحات ياسمين عز

وقالت الإعلامية  ياسمين عز خلال برنامجها كلام الناس الذي يعرض عبر قناة ام بي سي مصر: ميسي خسر كأس العالم 2014 عشان مكنش متجوز مراته انتونيلا رسمي، والكلام ليك يا جاري سامعني يا كريستيانو

وتابعت: جوروجينا شاردة 24 ساعة بره البيت وكريستيانو لو قالها تعالي نأكل بره هتقوله لا عندي عرض أزياء

ياسمين عز: أنتونيلا مرات ميسي حتة نيوتيلا وبتقطع الكيك وكوباية الشاي لميسي بعد العشا

وقالت ياسمين: أنتونيلا مرات ميسي حتة نيوتيلا وعايشة لبيتها وجوزها وولادها بيبان عليهم  النضافة وريحتهم نضافة وبحس انها أم بيت وزوجة صالحة ومن الستات اللي بتقطع حتة كيكة في العشا وكوباية شاي لجوزها ميسي

واستكملت: انتونيلا عندها 3 عيال قرود ومش بتقوله العيال عملوا فيا وجوزها ملهوش ذنب وبتهتم بجوزها وعيالها و انتونيلا مهتمة بنفسها عشان تفضل حلوة في عين سي ليو ميسي وربنا يخليكي لميسي وتفضلوا يتضرب بيكوا المثل في العلاقات والجواز.

ياسمين عز: أم ميسي عرفت تربي

وأضافت ياسمين : أم ميسي عرفت تربي وحسيت أن هي ست مصرية زي الست ام جابر عندنا في مصر وحضن الام الحنين

ياسمين عز: الناس هتوقع بيني وبين كريستيانو بس أنا محبتي ليه كبيرة

الناس هتوقع بيني وبين كريستاينو بس انا بنحاز ليه دايمًا وانا حقانية وعمري ما انحاز لحد ضد كريستاينو عشان التوقيع والكلام ده بس انا مع الاصول وانا محبتي لكريستيانو كبيرة ليه بس عشان ميسي عمل حاجة مستقرة واسس بيته صح

ياسمن عز: حبي الراجل وهو معاف فلوس ووهو فقير

وتابعت ياسمين عز: مراتك لما تهتم بيك وتحبك وتبقى الداعم الأول في حياتك هتقدر تعمل اي حاجه في الدنيا، وحبي الراجل وهو مش معاه فلوس عادي زي أنتونيلا مرات ميسي حبيته وهما عندهم 9 سنين من أيام الفقر.