طليقة سعد الصغير: مطلعتش منه بحاجة والألماظ جبهولي عشان يعمل شو

فجرت الفنانة برلنتي عامر طليقة سعد الصغير عدة تصريحات حول علاقتها به، بعد تشاجرهما في الشارع.

ويرصدها تحيا مصر خلال السطور التالية:

العلاقة دي أنا مطلعتش منها بحاجة زي ما الناس متخيلة ولا فلوس ولا أي حاجة

أنا جبت عربيتي لنفسي مش هو اللي جبهالي والألماظ جبهولي في عيد ميلادي لأنه كان عايز يعمل شو

واتجوزني في بيتي أنا مش هو اللي جابه ويطلع يقول ويحلف على المصحف إنه جابلي حاجة؟

هو مجابليش حاجة

كان بيقولي أكتر حاجة بحبها فيكي إنك ست مش مادية

مرة اتخانق معايا خناقة كبيرة جدًا العمارة كلها سمعتنا

وتاني يوم عشان يعتذرلي قدام الجيران حطلي على كله ورد

وشالني قدام الناس كلها ونزل بيا في الشارع وسامحته عشان تفكيري طفلة شوية

كشفت الفنانة برلنتي عامر طليقة الفنان سعد الصغير عن تفاصيل الواقعة التي حدثت بينها وبين “الصغير” بمنطقة حدائق الأهرام، وذلك خلال لقاء لها ببرنامج “تفاصيل” على شاشة تلفزيون قناة “صدى البلد 2”.

حيث قالت برلنتي: “كان هيموت أختي ده شروع في قتل، وقالي في عز المشكلة بعد ما خرجنا من المستشفى هترجعي تاني وأنا مش عارفة هو بيقول كده على أساس إيه”.

تفاصيل خناقة برلنتي عامر مع طليقها سعد الصغير

وتابعت برلنتي: “أرجع لمين! المرة اللي جاية هيقتلني، هو شخصية غريبة هو وحنين في حاجات وحاجات تانية لأ، أنا مش عارفة شخصيته إيه، يعني يوم الحداثة ده أنا كنت في حضنه كمراته ومدلعني دلع والله هو عارف الكلام ده إن يوم الحادثة كان جايبلي ورد”.

ومن جانبه، كشفت برلنتي السبب وراء الواقعة بينها وبين طليقها سعد الصغير، حيث قالت: “سبب الخناقة كنا بنتكلم في البيت مشكلة تافهة جدًا وشتمني وزعق وزعقت وبس كده، وأنا مش بغير عليه”.

وأضاف: “ولكن أنا موجودة في حياتك أنا برلنتي عايز تعمل أي حاجة طلقني عشان كرامتي، وساعات كنت بلاقي حاجات على الواتساب ولكن معرفتش أمسك حاجة، وهو كان بيغير عليا جدًا”.

تفاصيل تبادل الاتهامات بين سعد الصغير وطليقته

تفاصيل الواقعة بدأت حينما تلقت الأجهزة الأمنية بمديرية أمن الجيزة، إخطار من قسم الهرم أفاد بقيام المطرب سعد الصغير بتحرير محضراً ضد طليقته برلنتي عامر وشقيقتها يتهمهم فيه بالإعتداء عليه وإحداث إصابته وسرقة مبالغ مالية منه.

وفي ذات الوقت كانت برلنتي طليقة الفنان تحرر أيضا محضراً في قسم شرطة الهرم، أتهمت فيه «الصغير» بالتعدي عليها وشقيقتها ودهس إحداهما بالسيارة، وأمر اللواء هشام أبو النصر مدير أمن الجيزة بتحرير المحاضر اللازمة وإستكمال الإجراءات القانونية.

زواج برلنتي عامر وسعد الصغير

قصة زواج وطلاق المطرب سعد الصغير وبرلنتي عامر، انطلقت في غضون عام 2020، وحينها أنطلقت الشائعات عن زواجهما الغير الرسمي وخلال عام 2021 أعلن المطرب سعد الصغير عن زواجه بها، واستمرت الزيجة قرابة عام، وكان الصغير وبرلنتي يتبادلان عبارات الحب والغرام عبر صفحات التواصل الإجتماعي - فيسبوك - إلا أنه وبنهاية عام 2022 تبادلا الإتهامات داخل قسم الشرطة.