رانيا يوسف لمنتقدي إطلالاتها: ليه سايبين شغلي المحترم وماسكين في لبسي

خرجت الفنانة رانيا يوسف عن صمتها للرد على انتقادات إطلالتها خلال تصريحات تليفزيونية.

تحيا مصر يرصد رد رانيا يوسف على منتقدي إطلالتها. 

وقالت رانيا يوسف: أنا عندي cv محترم جدًا، ليه سايبين شغلي وماسكين في رانيا لبست إيه، ما كل العالم بيلبس، والأزياء والشو بقوا شيء أساسي في شغلنا، لكن ليه سايبين الشغل وماسكين في حاجات مش مهمة وسايبين المهم، أنا مستغربة ليه الاتجاه ده.

حرصت الفنانة رانيا يوسف على توجيه رسالة شكر لفريق عمل برنامج أصداء العالم، من تقديم الإعلامي مصطفى الأغا، وذلك بعد عرض حلقتها معهم.

رانيا يوسف وبرنامج أصداء العالم

ونشرت رانيا يوسف صور من كواليس تحضير الحلقة عبر حسابها الرسمي بموقع تبادل الصور والفيديوهات الشهير انستجرام، وعلقت: أتمنى إني كنت ضيفة خفيفة وحقيقي عملت حلقة من قلبي.

وتابعت رانيا يوسف: وكنت حاسة إني وسط أهلي وصحابي وعلى طبيعتي جدًا، شكرًا مصطفى الأغا وشكرًا لكل القائمين على البرنامج.

تصريحات رانيا يوسف في أصداء العالم

وقد صرحت رانيا يوسف العديد من التصريحات التي كشفت عنها لأول مرة خلال الحلقة، والتي نرصدها لكم في الآتي:

أنا مش بعرف أكدب وأنا بحب ربنا مش بخاف منه وعشان بحبه مش بحب اكذب
والجمهور بيكون عايزني اقول اللي هما عايزين يسمعوه
ولما بتسأل أي سؤال بجاوب عليه من قلبي ومش بعرف اجمل الكلام ومش هعمل كده عشان اكسب الناس واخسر نفسي
انا بيتوته جدًا وحياتي صغيرة أوي وبسيطة
وبحب الحياة بسيطة ومش بحب الشو وبخاف من الحاجات الكبيرة
والفن هو شغلي ورزقي وانا بحب حياتي ورياضي وكتبي مزيكتي وكلابي
أنا مش صريفة أوي في اللبس ومش دايمًا بدور على الماركات إلا لو في المناسبات
وكتير أختار لبس رخيص عشان عجبني لأني ماشية بمنطق القالب غالب ودي ثقة بالنفس وشغالة على نفسي بالجيم
انا نيتي طيبة وبزعل من الناس لما بتفكر فيا وحش لأني عمري ما بفكر وحش في حد
وانا بدي اعذار للي قدامي لأن البني ادمين بيصعبوا عليا لان ظروف الحياة والدنيا صعبة واحنا بنصعبها على نفسنا اكتر

وعمري ما رفعت قضية على حد ومش بحب المشاكل
اي حد يجي جنب بناتي هعضه
بناتي اللي ماسكنلي السوشيال ميديا وبسمع كلامهم لانهم فاهمين في السوشيال ميديا
انا بكرة التليفون ومش غاوية اشوف السوشيال ميديا ومش بحب اكلم حد على التليفون احب نتقابل ونتكلم