بالأسود.. إنجي وجدان تتألق في أحدث ظهور لها| صور

خطفت الفنانة إنجي وجدان الانظار وذلك في أحدث إطلالة لها، وذلك عبر حسابها بموقع تبادل الصور والفيديوهات انستجرام.

تحيا مصر يرصد لكم إطلالة إنجي وجدان

وظهرت الفنانة إنجي وجدان بجامب سوت أسود وإطلالة كلاسيكية، ونالت الصور إعجاب جمهورها عبر مواقع التواصل الاجتماعي.

إنجي وجدان تكشف معاناتها مع مرض الاكتئاب

وسبق وكشفت الفنانة إنجي وجدان أنها كانت تعاني من مرض الاكتئاب في فترة ما في حياتها، وكانت تلجأ لطبيب نفسي من أجل معالجتها، وقالت إنجي خلال برنامج حكايتي الذي يعرض عبر منصة Girls’ Space: انا في فترة في حياتي كان عندي اكتئاب وانا بحمد ربنا طول الوقت ولازم نحمد ربنا على اللي عندنا واللي مش عندنا واعات للي مش عندنا يبقى حاجة كويسة لينا بس غصب عنك في حاجات مش بتعرفي تتحكمي فيها، و قعدت فترة أروح لدكتور نفسي بس ما يقرب من سنتين او تلت سنين بس انا دلوقتي بقيت زي الفل الحمدلله.

وتابعت:90 % من المصريين يعتقدوا أن اللي بيروح لدكتور نفسي ده مجنون ولازم تروحي المستشفى على طول، وانا مامتي وبابا دكاترة ومرة مامتي قولتلها انا عندي أكتئاب ومحتاجة اروح لدكتور قالتلي ليه يا حبيبتي ما تيجي تتكلمي معايا، وانا بحب مامتي وهي قربة مني جدا وبنتكلم في كل حاجة بس في حاجات أنا عارفة أنها مش هتتحل بإنني أتكلم معاها بس في أوقات لازم ألجا لحد يكون عنده خبرة أكتر شوية.

إنجي وجدان: مش بقبل الكومنتات المستفزة اللي بتتريق على شكل

وعن تعرضها للنقد قالت إنجي: أنا بتقبل النقد أكيد بس الحمد لله معظم الحاجات اللي فيها نقد بجد على شغلي أو شكلي أنا بتقبلها ومعنديش مشكلة فيها لكن مش بقبل الكومنتات المستفزة اللي بتتريق على شكل وعلى لبس وعلى شخصيتي وانا اتعودت إني مش بقرأ التعليقات السلبية بس عادي مفيش مشكلة، وتحدثت إنجي عن من يتعرضوا للتنمر وقالت: بتبقى حاجة صعبة جدًا بالنسبالهم وبيبقوا في موقف مش عارفين هيعملوا فيه إيه وبنصح الناس أن أحنا لازم نكسر فكرة أن اللي هيروح لدكتور نفسي ده مجنون هي الحمد لله بدأت تتغير شوية بس لسه في ناس بتفكر كده،  الدكتور النفسي مش بيعالج مجانين هو بيعالج مشاكل نفسية وكلنا عندنا مشاكل نفسية ومفيش بني أمد مش عنده مشاكل نفسية وبتختلف من واحد للآخر، طبعا في ناس عندها جزء مجنون لكن دول مش بيرحوا لدكتور نفسي دول بيروحوا المستشفى، والدكتور النفسي بيساعد الناس أنها تحسن من نظرتها لنفسها ومشاكل اتعرضتلها وهي صغيرة أو هتتعرضلها.