أحمد زاهر وعائلته في العرض الخاص للفيلم اللبناني «ولا غلطة»

حضر الفنان أحمد زاهر وأسرته العرض الخاص للفيلم  اللبنانى «ولا غلطة» بطولة الفنان زياد برجى، ووجه التهنئة لأبطال العمل قائلاً: "مجهود كبير وأداء تمثيلى رائع يستحق التقدير وألف مبروك لكل فريق العمل وربنا يكتبلكم النجاح والتوفيق.

تحيا مصر يرصد حضور أحمد زاهر وعائلته العرض الخاص لفيلم ولا غلطة. 

تحدث الفنان أحمد زاهر عن معاناته مع مرض الغدة، كما تطرق بالحديث عن دوره في مسلسل البرنس، كما تحدث عن معايير أختياره لأدواره.

وقال زاهر في إحدى تصريحاته التليفزيونيه: دوري فتحي البرنس أقدر أقول عليه الدور الأهم في حياتي وهو بالنسبالي دور عمري.

وتابع: الكيماء بيني وبين الممثلين عنصر أساسي ولو مفيش كيمياء مش هعرف اشتغل، والكيماء بيني وبين روجينا ومحمد سامي في حتة تانية.

معايير اختيار أحمد زاهر لأدواره

وعن معايير اختياراه لأدواره قال: لو الشخصية هتعلم مع الجمهور هعملها حتى لو من غير فلوس، أساس أي حاجة موهبة وبعدها بتيجي الخبرة والدراسة ومذاكرة الشخصية، أنا قعدت مع دكاترة نفسيين وظباط ومحامين علشان آخد منهم تفاصيل أحطها على شخصيتي لو خدت الشخصية زي ما هي من السيناريو مش هعملها كويس، يوم عن يوم الواحد بيزداد خبرة وتفكيره بيكبر، حتى المواقف الإنسانية بتغير، ولو الإنسان نجح بيكون عليه مسؤولية أكبر.

أحمد زاهر يتحدث عن معاناته مع الغدة الدرقية

وعن معاناته مع مرض الغدة الدرقية قال: اتعلمت من تجربة معاناتي مع مرض الغدة الدرقية إن مفيش حاجة باقية أو فارقة والدنيا زوال في النهاية، ومش لازم نحارب ونتخانق على دور مثلا أو أي حاجة في الدنيا واتعلمت إني لازم أقرب من ربنا.

وتابع: بندمر نفسيتنا بالتمثيل لأن المشاعر ممكن تموت الناس فممكن تموتي من الزعل وبتعيشي نفسك في مشاعر معينة 13 أو 14 مشهد فالجهاز العصبي عندنا بيدمر والناس فاكرة إننا بنهزر وبنشرب شاي ولكن إحنا أخطر شغلانة ممكن تدمر أي يني آدم لأننا بندمر مشاعرنا وأحاسسينا.

مسلسل البرنس

مسلسل البرنس عرض في السباق الرمضاني 2020 وحقق نجاحًا كبيرًا، وكان من بطولة أحمد زاهر، روجينا، محمد رمضان، نور، إدوارد، نجلاء بدر، أحمد داش، محمد مهران، محمد علاء، عبد العزيز مخيون، ريم سامي.

وتدور أحداث مسلسل البرنس في إطار الدراما الاجتماعية  حول عائلة البرنس، حيث رضوان البرنس الذي يتشارك في العديد من العلاقات الأسرية الاجتماعية بينه وبين عائلته، وذلك بعد وفاة والديه، ويجد نفسه متولي مسئولية الجميع.