عمرو محمود ياسين عن مستشفى 57357: تبرعوا بأي مبلغ.. واتأسست بإيد الشعب

حرص السيناريست عمرو محمود ياسين على دعم مستشفى 75375 بعد إستغاثتهم الأخيرة، وذلك عبر حسابه الرسمي بموقع فيسبوك. 

تحيا مصر يرصد لكم دعم عمرو محمود ياسين لمستشفى 75375 

عمرو محمود ياسين: تحركنا أمر حتمى وبأي مبلغ

وكتب: صباح الخير.. طبعًا المستشفى  دي من إنجازات الشعب المصري في العصر الحديث.. ولما تطلع المستشفى تستغيث  بإنها مهددة بالاغلاق يبقى تحرك الناس امر حتمي  وضروري  و بأي مبلغ  تقدر عليه. 

وتابع: الطرق سهلة جدا.. ربنا يجعلكم سباقين للخير دايما. 

عمرو محمود ياسين: المستشفى اتأسست على ايد الشعب المصري 

وأضاف: محدش يكلمني عن دور الدوله.. المستشفى دي بالذات من انجازات المجتمع المد…. دي اتأسست ع ايد الشعب المصري.. ولذلك وجب علينا رعاية  مشروعنا بنفسنا دون انتظار احد.

نجوم الفن يدعمون 57357

وكان قد حرص مطرب المهرجانات الشعبية على دعم مستشفى سرطان الأطفال 57357، وذلك بعد انتشار أنباء بـ إمكانية غلقها خلال الفترة القليلة النقبلة بسبب نقص التبرعات لها.

وشارك عمر كمال فيديو على حسابه الرسمي بموقع تبادل الصور والفيديوهات “انستجرام”، قال فيه: أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لقدر الله تتقفل أو تفلس وميكنش عندها قدرة انها تعالج الناس، أنا عارفة إن الدنيا مزنقة علينا كلنا وممكن يكون معاك فلوس وبردو الدنيا تزنق عليك.

وتابع:  أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي.

وسبق، وأن ناشد الفنان عمرو يوسف المواطنين بمساندة 57357، وذلك من خلال فيديو على انستجرام، قال فيه: محدش طلب مني أعمل الفيديو دا.. مستشفى 57357 هذا الصرح العظيم بيقفل.. المستشفى دا قائمة بشكل كبير على تبرعتنا وفيه فرع في طنطا سمعت أنه قفل، والحقيقة أنا بقالي فترة بسمع كلام كتير عن أن المستشفى حالتها صعبة جدا لأن التبرعات بتاعتها قلت، المكان دا أنا روحته من كذا سنة والحقيقة هو مكان عظيم والناس اللي هناك محترمة جدا والشغل اللي بيعملوه غيرطبيعي”.

وتابع: “طب دلوقتي فيه أزمة اقتصادية واحنا كنا بنتبرع بس دلوقتي احنا مش قادرين نتبرع.. مش مشكلة نتبرع.. كنت بتتبرع بكام.. لو كنت بتتبرع بألف خليهم 800.. مش قادر خليهم 500.. مش قادر خليهم 100.. صدقوني الجنيه بيفرق معاهم”.