عمر كمال يدعم مستشفى 57357: هروح أفرح الأطفال وهتبرع بمقدرتي وأتمنى الفنانين كلهم يعملوا كدة

حرص مطرب المهرجانات الشعبية على دعم مستشفى سرطان الأطفال 57357، وذلك بعد انتشار أنباء بـ إمكانية غلقها خلال الفترة القليلة النقبلة بسبب نقص التبرعات لها.

تحيا مصر يرصد في ذلك التقرير دعم عمر كمال لـ مستشفى 57357

عمر كمال: هروح اتبرع باللي ربنا يقدرني عليه

وشارك عمر كمال فيديو على حسابه الرسمي بموقع تبادل الصور والفيديوهات “انستجرام”، قال فيه: أنا شوفت مباردة الفنان عمرو يوسف عن مستشفى 57357، أنا مكنتش أعرف ان المستشفى لقدر الله تتقفل أو تفلس وميكنش عندها قدرة انها تعالج الناس، أنا عارفة إن الدنيا مزنقة علينا كلنا وممكن يكون معاك فلوس وبردو الدنيا تزنق عليك.

وتابع:  أنا واحد من الناس اللي قررت أروح أفرح الأطفال اللي هناك واللي ربنا يقدرني عليه هتبرع بيه وإن شاءالله ربنا يجعلنا سند لبعض وياريت كل الفنانين زملائي يعملوا كدة لأن البلد دي خيرها علينا كلنا ودي كمان حاجة لله، وشكرا للفنان عمرو يوسف اللي نبهنا لـ حاجة زي دي.

عمرو يوسف يناشد المواطنين بمساندة 57357

وسبق، وأن ناشد الفنان عمرو يوسف المواطنين بمساندة 57357، وذلك من خلال فيديو على انستجرام، قال فيه: محدش طلب مني أعمل الفيديو دا.. مستشفى 57357 هذا الصرح العظيم بيقفل.. المستشفى دا قائمة بشكل كبير على تبرعتنا وفيه فرع في طنطا سمعت أنه قفل، والحقيقة أنا بقالي فترة بسمع كلام كتير عن أن المستشفى حالتها صعبة جدا لأن التبرعات بتاعتها قلت، المكان دا أنا روحته من كذا سنة والحقيقة هو مكان عظيم والناس اللي هناك محترمة جدا والشغل اللي بيعملوه غيرطبيعي”.

وتابع: “طب دلوقتي فيه أزمة اقتصادية واحنا كنا بنتبرع بس دلوقتي احنا مش قادرين نتبرع.. مش مشكلة نتبرع.. كنت بتتبرع بكام.. لو كنت بتتبرع بألف خليهم 800.. مش قادر خليهم 500.. مش قادر خليهم 100.. صدقوني الجنيه بيفرق معاهم”.

أخر أعمال عمر كمال

وكانت أخر أعمال عمر كمال طرح أغنية سهرانين، الذي أتت كلماتها: بقى ده إسمه كلام بقى حد يسيب القعدة الحلوة دي ويقول سلام بقى ده إسمه كلام ده احنا ما صدقنا نشوف بعض تقوم نمشي قوام ده السهرة يا دوب لسه بتبدأ والجو يا روحي عليه يخلي اللي مانمش بقاله أسبوع يسهر ما ينام تمشي تروح فين خلينا سهرانين ده الجو جميل والناس كلها صاحيين مستعجل ليه، هو احنا ورانا إيه ده الليل لسه في أوله، أوله والناس كلها صاحيين تمشي تروح فين خلينا سهرانين ده الجو جميل والناس كلها صاحيين آه مستعجل ليه، هو احنا ورانا إيه ده الليل لسه في أوله، أوله والناس كلها صاحيين لالا، لالالا مبسوطين ومفرفشين ومزاجنا مية فل ورايقين تمشي ليه ورانا إيه مع بعضنا متونسين؟ مبسوطين ومفرفشين ومزاجنا مية فل ورايقين تمشي ليه طب ورانا إيه مع بعضنا متونسين؟ ولا أشغل لك حبيبتك تنسجم وتروق معاها من زمان مزجانجي عارفك بتعشق الست وغناها يلا نعيش في عيون الليل.