حريق بمنزلها واصطدامها في عربة نقل.. ياسمين علي تتعرض لـ حادث: “متتخدعوش بالضحك اللي بضحكه”

أعلنت المطربة والفنانة الشابة ياسمين علي عن تعرضها لـ حريق في منزلها نتيجة حدوث ماس كهربي، موجة رسالة لـ كل حاسد وكل شخص غير راضي بقضاء الله.

تحيا مصر يرصد في ذلك التقرير تفاصيل تعرض ياسمين علي لـ ماس كهربي

ياسمين علي تتعرض لـ حريق منزلي

كتبت ياسمين علي على حسابها الرسمي بموقع التواصل الإجتماعي “فيسبوك”: مابحبش الطاقة السلبية والله بس اعمل ايه طيب.

وتابعت: هاحكيلكم حاجه صغننة امبارح الساعه 2 بليل من العادة ببقي قاعدة مع بابا وماما ويحيي  بنتفرج عالتليفزيون قمت عشان أروح أوضتي أنام..دخلت الأوضة قعدت دقيقه شامه ريحة بلاستيك محروق ومش فاهمه الريحه جايه من فين فجأة بدون مقدمات وربنا عالم باللي هاقوله “لقيت السقف علي وسعه مولع نار كله بمعني الكلمه وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه ”.

ياسمين علي: كنت عاملة حادثة بعربية نقل كبيرة فمتتخدعوش بالضحك اللي بضحكه

وأضافت: كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي.. لو ماكنتش دخلت الاوضه ف التوقيت اللي روحت فيه الله أعلم كان حصل ايه..وقبلها بكام يوم كنا لسة عاملين حادثة بالعربية مع عربية نقل كبيرة.

واختتم ياسمين علي حديثها: ما تنخدعوش بالضحك اللي بضحكه ..كل واحد له فيلم عايشه ..احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من برة.

ياسمين علي في مسلسل الضاحك الباكي

هذا وطرحت ياسمين علي مؤخرا، تيتر مسلسل “الضاحك الباكي”، الذي خاض بطولته كلا من النجوم عمرو عبد الجليل، رزان مغربي، مصطفى شوقي، فردوس عبد الحميد، وغيرهم من الفنانين، والعمل من تأليف محمد الغيطي، وإخراج محمد فاضل، وإنتاج شادي أبو شادي، وكريم أبو شادي، الذي  تدور أحداثه حول سيرة الفنان الراحل نجيب الريحاني، في إطار رصد تفاصيل الفترة الزمنية التي عاشها، من عام 1910 وحتى 1949، بجانب عرض ثورة 1919، والحرب العالمية الأولى والثانية، ويتضمن ظهور مجموعة كبيرة من الشخصيات المعروفة وقتها