زوجة رامي جمال عن معاناته مع البهاق: كنت متضايق من شكل ايديك واتعلمت منك الرضا

حرصت المطربة المعتزلة ناريمان، على الحديث عن مرض زوجها المطرب رامي جمال، اذ أنه يعاني من البهاق الذي توقف عن علاجه بسبب معاناته من مرض السكر.

تحيا مصر يرصد في ذلك التقرير تعليق زوجة رامي جمال عن مرضه بالبهاق

زوجة رامي جمال: كنت بفضل ماسكة ايديك طول الوقت عشان متبصش عليها

وقالت ناريماني عبر حسابها الرسمي بموقع تبادل الصور والفيديوهات انستجرام، معلقة على فيديو يتحدث فيه زوجها رامي جمال عن مرضه: حبيبى ربنا يعافيك و يعفو عنك وعن كل مريض يارب انا فاكره الموقف دا كويس جدا وفاكره كمان لما بدأ يزيد وكنت بتبقى مضايق من شكل ايدك وانا كنت بفضل اعده مسكاها طول الوقت علشان متبصش عليها وانهم كانوا بيتريقوا علينا انى ماسكه ايدك طول الوقت.

زوجة رامي جمال: أعلن عن مرضه بعدها بـ 3 سنين

وتابعت: وفاكره كمان كذا موقف حصل خلاك تقرر تتكلم عن الموضوع علشان ساعتها الناس كانت متخيله انه لسه جايلك لا هوا انت اعلنت بعدها بحوالى ٣ سنين او حاجه لانه انا فاكره جالك قبل ما نتجوز بشويه كمان مش قبلها على طول بس انا اتعلمت منك ف الفتره دى الرضاء و شفت بعدين اد ايه ربنا بيحبك ومحبب فيك خلقه.

رامي جمال عن مرض البهاق: مضطر أسيبه ينتشر في جسمي

وسبق وأن صرح رامي جمال عن اضطراره لـ وقف علاجه من مرض البهاق بسبب معاناته مع مرض السكر، فقال في تصريحات تليفزيونية: فى البداية كنت بشوف المرض إنه مشكلة، وكنت شايف أنه حاجة هتأثر على مستقبلي، اتعرضت لمواقف كتيرة لما ناس بتسلم عليا بعد كدا يسئلوني هل المرض دا معدي، واللي حصل ليا حب من ربنا وبيختبرني هل أنت راضي ولا لا وأنا راضي جدًا.. مرض البهاق ملوش علاج لكن في أدوية بتوقف انتشاره فى الجسم وأنا ممنوع منه بسبب أن عندى مرض السكري، وممنوع من الكورتيزون وبقيت مضطر أسيبه ينتشر في جسمي.. الجميع اتعاطف معايا بعد إعلان مرضي بالبهاق ومعنديش مشكلة مع مرضي.