بعد خضوعه لتركيب دعامات.. حسام داغر لـ محمد شاهين: سلامة قلبك من التعب

حرص الفنان حسام داغر على توجيه رسالة دعم للفنان محمد شاهين الذي خضع لعملية تركيب دعامات، وذلك بعد إصابته بأزمة قلبية. 

تحيا مصر يرصد لكم رسالة حسام داغر لـ محمد شاهين 

حسام داغر ومحمد شاهين

ونشر داغر صورة تجمعه بمحمد شاهين عبر حسابه بإنستجرام، وعلق: أزمة قلبية، ياه ببساطه كده، ازمة قلبيه اتعرض ليها في السعودية صديق عمري واخويا محمد شاهين بعد انتهاء مسرحيته هناك.

وتابع: عشرة العمر الي بقالنا اكتر من ٢٣ سنه هو اقدم صاحب ليا واقربهم لقلبي يا ريتني جمبك هناك.. بس الحمدلله الرجاله هناك و دكتور اشرف زكي قامو بالواجب.

حسام داغر لمحمد شاهين: متخافش من الدعامات دي عشان تبقى أحسن

وأضاف داغر: سلامة قلبك يا حبيبي من التعب ومتخافش من الدعامات اللي ركبوها كل ده علشان تبقي احسن وترجعلنا بالف سلامه بعد ما يطمنوا عليك بعد الشر عنك يا ابو قلب ابيض زي الفل.. يا حبيب الكل.. يا حبييي يا شاهين.

محمد شاهين ومسلسل الليلة واللي فيها 

ويذكر، أن كشف الفنان محمد شاهين في حواره مع تحيا مصر عن بعض الأسرار وكواليس استعداده لشخصية “أيمن” بمسلسل اللي واللي فيها الذي حقق نجاح كبير بعد انتهاء عرضه خلال الأيام الماضية.

وقال الفنان محمد شاهين لـ تحيا مصر عن أسباب حرصه على أخذ دور في مسلسل “الليلة واللي فيها”: انا كنت عايز اشتغل مع أستاذ هاني خليفة، وكان في فرصتين قبل كده ومكنش ليا حظ اشتغل معاها، وقالي يلا نعمل المسلسل قولتله أنا معاك، من قبل ماعرف الورق فيه ايه.

وتابع شاهين: بعتلي الورق من قبل ما نصور بسنة، وانبهرت وبوقي اتفتح وقولت مقدرش مشتغلش المسلسل ده، عشان حلو جدًا وفيه إثارة وتشويق.

وعن سبب تأخير طرح المسلسل، قال محمد شاهين: كان في ديكور بيتبني، وكذا حد من الممثلين كان بياخد ورشة تمثيل، ومواعيد وأنا بردو كنت بصور حاجة، وزينة كانت بتصور حاجة، وقعدنا بنصور من 6 لـ 7 شهور، وخلصناه من أقل من سنة.

وعن الاختلاف الكبير بين شخصيته في مسلسل “الليلة واللي فيها” عن شخصيته في “سوتس بالعربي” قال: صورت دور أيمن، قبل ماصور قدري، وهو اتعرض بعديه وكانت حاجة كويسة عشان الاتنين غير بعض، وقبلهم كان في دور خالد في مسلسل موضوع عائلي.