أسما شريف منير عن طليقها: احنا أقرب من اللي عايشين مع بعض عشان بنحترم بعض

حرصت المذيعة أسما شريف منير على كشف تفاصيل تخص علاقتها بطليقها والد ابنتها الوحيدة لتعطي مثالًا ودرسًا لكل أب وأم منفصلين، وذلك من خلال منشور لها عبر حسابها الشخصي على موقع تبادل الصور والفيديوهات “إنستجرام”.

تحيا مصر يرصد تفاصيل أحدث منشورات أسما شريف منير

حيث نشرت أسما مجموعة صور تجمعها بابنتها وطليقها من إحدى الحفلات المدرسية، وعلقت عليها قائلة: “الفيديو اللي في سلايد رقم ٣ (لارا) اخر واحدة فوق خالص لبسه لبس سانتا 🎅🏼 و ده كان رد فعلها و طاقتها اول ما شافتني انا و بباها و عشان كده بكتب البوست ده و عشان كل ما تيجي فرصة اني اتكلم في الموضوع ده بعمل كده”.

وتابعت: “عشان كل مرة بحس أن لو أب واحد أو أم واحدة سمعوني وراجعوا نفسهم وقرروا أنهم يتنازلوا عن كل الخطط والقضايا والمحاكم والخناق وفكروا قد ايه هما بينقذوا نفسية ومستقبل اولدهم مش هيترددوا لحظه أنهم يختاروا السلام”.

علاقة أسما شريف منير بوالد ابنتها

وأكملت أسما منشورها قائلة: “كل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد ايه بتكون سعيدة من قلبها ونفسيتها مرتاحة ودي أكتر حاجة بتفرقلها، أكتر من الهدايا واللبس واللعب”.

وأضافت: “وشهادة أبو بنتي أنه بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسيبها عاليا، بالعكس ودي حاجة تاتيه مهمه جداً، أن الأب مش دوره بس أنه جيب فلوس".

واستطردت: "كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد”.

أسما شريف منير تتحدث عن التضحية في العلاقات

كما أوضحت أسما شريف منير رأسها في التضحية بالعلاقات، حيث قالت: “التضحية الحقيقة مش اننا نستخسر في نفسنا اشياء عشان أولادنا، لأ.. التضحية المفيدة اننا نتنازل عن الانتقام اللي بيرضي غرورنا او بيحسسنا اننا جبنا حقنا و نسيبوا علي جنب و نعيش في سلام.. نتواجد في حياة اولدنا رغم عدم التكافؤ، لان كل عيوبنا و اختياراتنا اللي واجعه قلوبنا كلللللللله من تربيه اهلينا لينا".

وتابعت: "زمان كانه ماشين بالبركة بس دلوقتي مع التطور والاطلاع علي طرق صحية لتربية اولدنا ممكن نتجنب أخطاء نفسيه كتير ممكن تفرق في حياتهم”.

واختتمت المنشور قائلة: "ملحوظة احنا مش هنرجع ولا بنفكر في كده خالص، بلعكس علاقتنا كده هتستمر العمر كله ان شاء الله، لكن حقيقي الموضوع مش عن الرجوع خالص وعشان كده انا بقولكم انه ساعات العلاقات بتكون صحيه اكتر كده بس المهم اننا نحاول دائما علي ايجاد احسن ظروف لنفسيتنا و نفسيه اولادنا".