في أول ظهور لها بعد عودتها لحسام حبيب.. شيرين عبد الوهاب تحيي حفلًا في الكويت بهذا الموعد

تستعد الفنانة المصرية شيرين عبدالوهاب، لإحياء حفلًا غنائيًا في أرينا الكويت، وذلك يوم 12 من شهر يناير المقبل في أول ظهور لها بعد عودتها للفنان حسام حبيب.

تحيا مصر يرصد تفاصيل حفل شيرين عبد الوهاب بالكويت. 

فجرت الفنانة شيرين عبد الوهاب مفاجئة قوية بشأن عودتها لـ طليقها حسام حبيب، بعد الأزمة التي شهدتها الدول العربية ودخولها مستشفى الأمراض النفسية بشكل مفاجئ

وقالت شيرين عبد الوهاب خلال برنامج عمرو أديب المذاع على قناة الحكاية: “كنت قاعدة في مكان أمين جدا في المستشفى، واتاخدت على خوانة، بشكر محمد عبد الوهاب انه عرفني بالناس المحترمين دول وانهم كانو خايفيين عليا، وكنت بصحى بدري وحياتي بقت جميلة جدا ولذيذة”.

شيرين عبد الوهاب تتنازل عن قضاياها ضد شقيقها

وتابعت: “بشكر صحافة بلدي، وهتنازل عن أي حاجة انا كنت عملاها لـ محمد عبد الوهاب لأني مقدرش أعمل كدة، أنا شيرين اللي قلبها متسامح وهيفضل قلبي متسامح، وأنا مسامحة كل الناس ومقدرش على زعل أمي وعياطها، وبتنازل عن أي حاجة حصلت معايا والحمدلله، كان ممكن يحصلي حاجة مش كويسة أكتر من كدة، وأنا مش حزينة باللي حصل”.

شيرين عبد الوهاب تعلن عودتها لحسام حبيب

وأضافت: انا تم كتب كتابي على حسام حبيب، وبعتذر لحسام عن كل الكلام اللي أنا قولته في حقه، أنا بحبه وهو حب حياتي، وكتب الكتاب تم في حضور الأهل والمقربين وهنزل أنا وهو ناكل فول وطعمية مع بعض في الشارع.

شيرين عبد الوهاب

من ناحية أخرى، سبق وأن كشف عمرو أديب عن مداخلته الهاتفية مع الفنانة شيرين عبد الوهاب بعد خروجه من المتستشفى مباشرة، اذ قال خلال برنامج الحكاية، المذاع على قناة mbc مصر: "النهارده كان في بيني وبين شيرين اتصال ونفسي اسمعكم صوتها اللي كان جيد وقوي، أول ما قالت ألو حسيت أنها كويسة.. سألتها عاملة ايه أحوالك ايه قالتلي اظن أنك سامع صوتي".

وتابع: "قولتلها كفارة قالتلي اه كفارة بجد، عايزاك تطمئن الناس عليا وأشكر الجمهور وكل الوسط الفني والمحامي ياسر قنطوش، وقالتلي في الأيام القادمة نقدر نتقابل ونعمل حوار.. هي فعلا بصحة جيدة وطول الحوار اللي بينا دي شيرين اللي أنا اعرفها هادية وجميلة وبتضحك وبتنكت، عندها وحشة كبيرة للوسط الغنائي وتقدير لكل الناس اللي سألوا عليها، قالتلي ابلغكوا أن الصورة المتداولة ليها مع حسام حبيب وأنهم كانوا مع بعض لا أساس لها من الصحة".