رانيا يوسف: أنا مش صريفة في اللبس وبختار الأرخص ونيتي طيبة ومش بحب المشاكل

حلت الفنانة رانيا يوسف ضيفة على برنامج صدى الملاعب الذي يُقدمه الإعلامي مصطفى الأغا، ويُعرض عبر قناة أم بي سي1، وتحدثت رانيا عن تشجيعها للأرجنتين، كما كشف عن أمور تخص حياتها.

تحيا مصر يرصد لكم تصريحات رانيا يوسف

وقالت رانيا يوسف: أنا مش بعرف أكدب وأنا بحب ربنا مش بخاف منه وعشان بحبه مش بحب اكذب والجمهور بيكون عايزني اقول اللي هما عايزين يسمعوه ولما بتسأل أي سؤال بجاوب عليه من قلبي ومش بعرف اجمل الكلام ومش هعمل كده عشان اكسب الناس واخسر نفسي.

رانيا يوسف: أنا بيتوتيه جدًا ومش بحب الشو

وكشفت: انا بيتوته جدًا وحياتي صغيرة أوي وبسيطة وبحب الحياة بسيطة ومش بحب الشو وبخاف من الحاجات الكبيرة والفن هو شغلي ورزقي وانا بحب حياتي ورياضي وكتبي مزيكتي وكلابي.

رانيا يوسف: أنا مش صريفة في اللبس وبختار الأرخص لأني ماشية بمنطق القالب غالب

وقالت رانيا يوسف: أنا مش صريفة أوي في اللبس ومش دايمًا بدور على الماركات إلا لو في المناسبات وكتير أختار لبس رخيص عشان عجبني لأني ماشية بمنطق القالب غالب ودي ثقة بالنفس وشغالة على نفسي بالجيم

رانيا يوسف: أنا نيتي طيبة ومش بحب المشاكل

واستكملت: انا نيتي طيبة وبزعل من الناس لما بتفكر فيا وحش لأني عمري ما بفكر وحش في حد، وانا بدي اعذار للي قدامي لأن البني ادمين بيصعبوا عليا لان ظروف الحياة والدنيا صعبة واحنا بنصعبها على نفسنا اكتر وعمري ما رفعت قضية على حد ومش بحب المشاكل.

وكشفت رانيا يوسف أنها كانت تشجع الارجنتين نتيجة لوجود أًدقاء مشتركين بينها وبين ميسي وهو خوان لابورته.

وقالت رانيا يوسف انها تعتبر بناتها هم اهم انتصار في حياتها متابعة: اي حد يجي جنب بناتي هعضه.

وتابعت: بناتي اللي ماسكنلي السوشيال ميديا وبسمع كلامهم لانهم فاهمين في السوشيال ميديا انا بكرة التليفون ومش غاوية اشوف السوشيال ميديا ومش بحب اكلم حد على التليفون احب نتقابل ونتكلم.

واوضحت رانيا يوسف أنها ترى أنها كتاب مفتوح على السوشيال ميديا.