مفيش واحد يستاهل ينام جنبي والراجل المصري عسل ومفيش زيه في العالم كله.. أبرز تصريحات دومينيك حوراني

حلت الفنانة دومينيك حوراني ضيفة على برنامج قعدة ستات، والذي تقدمه الإعلامية مروة صبري ويُعرض عبر قناة القاهرة اليوم، وتحدثت دومينيك عن الرجل المصري والفرق بينه وبين الرجل اللبناني‎، كما كشفت عن حبها للمهرجانات.

تحيا مصر يرصد لكم تصريحات دومينيك

ونستعرض لكم أبرز تصريحات دومينك حوراني

- بحب محمود الليثي كفنان، وسعد الصغير كمان، وعصام كاريكا، عرفاه من زمان.

-روحي اي فرح هتلاقي أغاني المهرجانات اللي شغالة بسبب أن إيقاعها حلو وبيرقص.

-الناس بتسمع أغاني المهرجانات عشان يتبسطوا خاصةً بعد فترة الكورونا بقى عندنا كبت.

-بحب أغنية أنتي معلمة وبسكوتاية مقرمشة لعمر كمال.

-الراجل المصري عسل، وبيقول كلام حلو أوي طول الوقت، زي يا مزة يا قمر، ومش هتلاقي رجالة في العالم كله زي الرجالة المصريين.

‎-الراجل اللبناني بيدلع وبيكون عامل زي البيبي ، لكن الراجل المصري بيدلع أكتر، وبعرف ادلع الراجل.

- بأمن بالحب من اول نظرة، عشان تاني نظرة بيختفي.

-أنا مش هتجوز راجل أصرف عليه حتى لو معايا فلوس هجيب واحد أغنى مني عشان لما يسيبني مبقاش خسرت جوزي وفلوسي.

-اسوأ حاجة في الراجل البخل.. والراجل البخيل مراته هتخونه.

-الست بتتطمن وتحس بالأمان لما جوزها بيبقى موجود في البيت حتى لو مش بيتكلموا.

-بلغي كل مشاويري لما جوزي يبقى قاعد في البيت، ولما بيكون قاعد ببقى مرتاحة نفسيًا ورايقة ومطمنة.

-مفيش راجل يستاهل ينام جنبي ومش هسمح لراجل ينام جنبي.

دومينيك حوراني: مش بهتم بالتعليقات السلبية

وسبق وتحدثت الفنانة دومينيك حوراني عن السوشيال ميديا وطريقة تعاملها مع التعليقات السلبية، كما كشفت أنها تمارس دورها كأم ولا تهتم بالسوشيال ميديا والفن فقط، وذلك في تصريح خاص لموقع تحيا مصر وقالت:أنا مش بقرأ التعليقات والانتقادات السلبية اللي بتجيلي على السوشيال ميديا.

وتابعت: لكن في ناس بتبعتلي كلام حلو وبقراه وساعات برد عليهم وبنوصل لمرحلة صداقة، وفي ناس بتشجع الفنان وتتابعه من سنين طويلة معانا، وفي ود وعلاقة طويلة بينا.

دومينيك حوراني: أنا أم مثالية

وأضافت أنا عندي اكتر من 5 مليون شخص على فيسبوك اكيد مش للحق أرد على كل الناس على السوشيال ميديا، أنا عندي بيتي وبنتي وبطبخلها وبنضف البيت وبعمل رياضة وأنا أم مثالية ومش قاعدة بتصور وبنزل على فيسبوك وبس، وفي الوقت الحالي مبقاش في أوقات فراغ الدنيا بتجري بسرعة واللي بيشوف أهله دلوقتي يبقى بطل، بس لما بيجيلي وقت فراغ بحب اشرب شاي ونسكافيه واتفرج على فيلم على قناة روتانا.