"وحشتنا كلنا يأحن أب عرفته".. هنا الزاهد تحيي ذكرى ميلاد طلعت زكريا

حرصت الفنانة هنا الزاهد على إحياء ذكرى ميلاد الفنان الراحل طلعت زكريا، الذي يحل اليوم الأحد الموافق 18 من شهر ديسمبر، وذلك بتوجيه رسالة مؤثرة له.

تحيا مصر يرصد في ذلك التقرير احتفال هنا الزاهد بـ عيد ميلاد طلعت زكريا

عيد ميلاد طلعت زكريا

وشاركت هنا الزاهد صورة لها في أحضان طلعت زكريا عبر حسابها الرسمي بموقع تبادل الصور والفيديوهات انستجرام، من خلال خاصية ستوري، وكتبت: زي النهاردة كان عيد ميلاد أحن أب عرفته في حياتي.. ربنا يرحمك ووحشتنا كلنا.. أرجوا قراءة الفاتحة على روحه.

علاقة هنا الزاهد بـ ابنة طلعت زكريا

جدير بالذكر، أنه يربط هنا الزاهد علاقة قوية بـ ابنة طلعت زكريا، تحدثت عنها إيمي، قائلة: “أنا فعلًا بعتبر هنا وأخواتها إخواتي لأن فعلًا بابا كان بيحبهم جدًا، وانا أي حد بابا كان بيحبه أنا بحبه، لسه حتى الأسبوع اللي فات كنت عندهم أنا وعمر، كنا سهرانين عندهم لحد بعد الفجر، وكانت هنا موجودة، وكنا قاعدين وأحمد قاعد يكلمنا فيديو كول، إحنا عيلة بعيد عن أي كلام مفيش غِيرة، يعني أنا لاين، وهنا لاين تاني خالص، ودايمًا أي حاجة بتعملها أنا ببارك لها، وهي أي حاجة أنا بعملها هي بتبارك لي.

ايمي طلعت زكريا: مامة هنا الزاهد كانت قاعدة جنب مامتي في العزاء

وتابعت: احنا على طول مع بعض، وبنقعد مع بعض نفتكر بابا، ولازم نقرأ له الفاتحة وإحنا قاعدين مع بعض متجمعين”، هو زمانه مبسوط دلوقتي، حتى علاقة مامت هنا بـ مامتي حلوة جدًا جدًا، إحنا مع بعض، وكويسين مع بعض، ومامت هنا كانت قاعدة جنب ماما، في العزا وبيخدوا العزا.

وأضافت: رغم إنه كان انفصل عن مامت هنا، قبل الوفاة بسنة، بس علاقتنا كانت كويسة، أنا بحبهم بحسهم إن هما إخواتي، بينا حاجات كتير ومواقف كتير، ف لا مفيش بينا حاجة تانية خالص.. وأنا كان نفسي أشتغل مع الزعيم، لكن ده محصلش، اشتغلت مع سمير غانم، وحسن يوسف، طبعًا ووقفت قدامهم على خشبة المسرح ده بالنسبة لي أنا كدا اكتفيت.