ياسمين عز للزوجة الثانية: الراجل كأئن بريء مبيكدبش بلاش تكلميه قدام الأولى عشان هيرتبك.. وراعي ربنا في ضرتك

وجهت الإعلامية ياسمين عز مجموعة نصائح لـ الزوجة الثانية لـ تجنب خلافها مع زوجها، وذلك خلال برنامجها “كلام الناس”، المذاع على قناة mbc مصر.

تحيا مصر يرصد في ذلك التقرير نصائح ياسمين عز للزوجة الثانية

ياسمين عز للزوجة الثانية: بلاش تكلميه قدام مراته الأولى عشان الراجل كائن بريء مبيعرفش يكدب

وقالت ياسمين عز: لو انتي متجوزاه ومراته الأولى لا تعلم متقعديش تزني عليه في التليفون وهو قاعد مع مراته الأولى، افرضي مراته شافت الموبيال، محبكتش انه وهو قاعد مع مراته تكلميه.

وتابع: وأما يكونوا خارجين متروحيش تقعدي في الطرابيزة اللي جنبهم عشان ميرتبكش وتعبيرات وشه تفضحه قدامها لأن كائن بريء مش بيعرف يخبي ولا يكدب، ولو عرفتي بالصدفة انه جايب حاجة للأولى تبقى عايزة زيها وبلاش اشمعنا، وهو طالما خد قرار انه يتجوز اتنين يبقى بالتأكيد واخد قرار انه يعدل بينكم.

ياسمين عز للزوجة الثانية: راعي ربنا في ضرتك عشان ربنا يكرمك

وأضافت: لو الست عارفة ان زوجها اتجوز عليها وكانت ارتضت الوضع وقاعدة.. كلامي للزوجة التانية ارجوكي بلاش تشوفي انك احسن من الزوجة الأولى في أي حاجة، لاي سبب انتي مش أحسن منها في حاجة، متتعمديش تتكلمي عن حاجة ناقصة فيها قدامها ولو انتي اصغر منها متتعمليش معاها على انها طنط لأنك هتكبري.

واختتمت: حاولي كزوجة تانية تراعي ربنا في الأولى عشان ربنا يكرمك، مركب الضراير سارت ومركب السلايف حارت.

أزمة وقف برنامج ياسمين عز

جدير بالذكر، أنه كان قد تصدر نبأ وقف برنامج ياسمين عز حديث مواقع التواصل الإجتماعي المختلفة، اذ تداول رواد السوشيال ميديا هذا النبأ معربين عن سعادتهم ومتمنين أن تكون تلك الأنباء حقيقية، اذ جاء تعليق أحدهم: لو الخبر ده مش صح هتمنى من قلبي انه يكون صح”، وكتب الأخر ساخرا من تلك الأنباء: ليه بس كدة بس كدة بس.

وردت ياسمين عز على تلك التصريحات، فكتبت عبر حسابها الرسمي بموقع تبادل الصور والفيديوهات انستجرام: اضح أن نجاح حلقة كريستيانو والمغرب أحبابنا لم يتحمله البعض، فـ طلع إشاعة تافهة ومدفوعة الأجر لصفحات بير السلم ضد البرنامج، برنامجي الجميل موجود رغم أنف الحاقدين، نصيحة بدل ما تدفعوا الصحفات تقول إيقاف طلعوا الفلوس صدقة يمكن ربنا يتجاوز، الخميس موعدنا 6 مساء مباشر.