عادل إمام مبيحبش حد يظهر قدامه والشغل مع سمير غانم غير.. أبرز تصريحات رضا حامد

تحدث الفنان رضا حامد في برنامج نص الكلام، عن علاقته بالفنان عادل إمام وسمير غانم في وكواليس عملهم سويًا. 

تحيا مصر يرصد لكم تصريحات رضا حامد في برنامج نص الكلام

أبرز تصريحات رضا حامد 

- عادل إمام نجم كبير ومن حقه يحافظ علي نجوميته بالطريقة اللى هو شايفها
- لو شايفني هاعمله قلق شوية يقولي مع السلامة 
- بس هو فعلًا مبيحبش حد يظهر جنبه وبيخاف حد يظهر جنبه 
- وعنده إحساس انه بكده هو بيحافظ علي نجوميته
- اشتغلت مع سمير غانم والفرق بينه وبين عادل امام فظيع
- كان بيقولي حاجات وكان بيخليني اعمل اللى انا عايزه ويزودني
- ويقولي طيب ما تقولنا كمان كذا انما الزعيم مكنش بيديني الفرصة ارتجل ولا اخد فرصتي
- عادل إمام لما بيسمع ان فيه ضحك جامد جدا خارج مني كان الموضوع ده بيقلقه
- في يوم من الأيام كنت داخل المسرح قاللي ياض يا رضا انت ممثل جامد أوي بس طبعا ده كان بيضايقه
- كل اني قلت موقف عن عادل امام متحاسبش عليه 
- وربنا يعطيه الصحة ويطمنا عليه لإنه هرم شامخ في الفن
- ومينفعش حد يزايد علي عادل امام ولا يزايد عليا في حبي ليه

معلومات عن رضا حامد 

جدير بالذكر، أن الفنان رضا حامد كان تغيب عن الوسط الفني منذ فترة طويلة، اذ كان أخر عمل قدمه مسرحية بعنوان “الزهر لما يلعب” في عام 2020 أمام الفنان سمير غانم، وكان قد بدأ رضا حماد حياته الفنية في بداية الثمانينيات بأدوار صغيرة في بعض الأعمال السينمائية والتليفزيونية والمسرحية مثل فيلم وكيل النائب العام ومسلسل دهب قشرة ومسرحية طب ليه، وسرعان ما بدأت شهرته تزداد بعد أن استخدم طريقة معينة في الكلام أدت إلى تميزه.

وكان قد صرح رضا حامد العديد من التصريحات في برنامج كلام الناس مع ياسمين عز، وقال: مش عارف سبب إختفائي بس شهرتي وتاريخي الفني بيشفعلي إنهم يسألوا عني أنا فين.. كل الفنانين عندهم إصحاب بيساندوهم بس أنا صحابي مش راضيين يشغلوني.