إلهام شاهين عن تكريمها حول دورها في بطلوع الروح: رد على المتاجرين بالدين

حصلت النجمة المصرية إلهام شاهين، على تكريم مميز في حفل توزيع جائزة دير جيست، عن دورها في مسلسل بطلوع الروح، والذي عُرض في السباق الرمضاني المنصرم 2022.

تحيا مصر يرصد تكريم إلهام شاهين في دير جيست. 

وقالت إلهام شاهين أثناء تسلمها جائزتها: دايمًا دير جيست تجمعنا وتفرحنا ونحتفل بالفنانين اللي أسعدونا، ويارب السنة اللي جاية تكون سنة جميلة مفيش فيها أوبئة ولا أمراض ولا حروب ولا حالة اقتصادية صعبة وإن شاء الله اللي جاي أجمل، لازم دايمًا نتفاءل.

وتابعت: أنا سعيدة جدًا بالجائزة لأن استفتاء الجمهور بيكون فيه قيمة كبيرة جدًا، وخصوصًا الجوائز الكتير اللي أخدها مسلسل بطلوع الروح، ليا ولكل العاملين أمام الكاميرا ووراء الكاميرا، هي رد على كل المتاجرين بالدين وكل المتطرفين اللي إحنا كلنا بنحاربهم.

وأضافت: يا رب دايمًا ينصرنا عليهم ومصر أكبر منهم بكتير أوي، ويارب كل الخير لمصر ولكل الوطن العربي إن شاء الله

شاركت الفنانة إلهام شاهين متابعيها صورة جديدة من ندوة تكريمها بعد عرض فيلمها حظر تجول بلندن

تكريم إلهام شاهين في مهرجان السينما العربية

ونشرت إلهام شاهين الصورة عبر انستجرام، وعلقت: مع معالي سفير مصر في لندن وصديقتي د. هاله سرحان.. في عرض فيلمي حظر تجول في الجمعية البريطانية العربية للغرفة التجارية، بحضور الجاليات العربية في لندن، والندوة بعد الفيلم أكثر من رائعة سعدت جدًا بكل الآراء وردود الأفعال على الفيلم، وسعدت أيضًا بتكريمي في لندن.

وتابعت: شكرًا د. خالد علي الطبيب والناقد المثقف ألف مبروك إقامة أول مهرجان للسينما العربية في لندن 2023 تمنياتي بالتوفيق.. سعيدة بهذا التكريم في لندن.

إلهام شاهين تدافع عن فيلم صاحبتي

وكانت قد تحدثت إلهام شاهين عن الجدل الذي أثير خلال الفترة الماضية بشأن مشهد قبلة ابنة شقيقتها في فيلم صاحبتي.

وقال إلهام خلال مداخلة هاتفية أجرتها في برنامج الستات والتي تقدمه الإعلامية سهير جودة ومفيدة شيحة: إحنا مش عايزين فن للتسلية إحنا عايزين فن يكون له رسالة، في أدوار حتى لو الناس شايفة إنها في جرأة أو شر أو أخطاء أو واحدة منحرفة، ولكن في نهاية العمل بيكون ليه رسالة مهمة.

وتابعت: مش المشكلة بس في مشهد بوسة، لو أنا بقدم دور تاجرة مخدرات ما هي بتؤذي المجتمع والناس، لو بقدم دور إرهابية زي مسلسل (بطلوع الروح) بتقتل وتجلد وتموت الناس، هل أنا كده بعمل شيء غلط؟! لأ، لأني بفيد المجتمع، لأن بقول رسالة مهمة جدا من هذا الدور المكروه.

إلهام صفي الدين تدافع عن فيلم صاحبتي

وسبق ودافعت إلهام صفي الدين عن الفيلم وقالت إلهام صفي الدين خلال ندوة مناقشة الفيلم عقب عرضه في قاعة إيوارت بالجامعة الأمريكية ضمن فعاليات مهرجان القاهرة السينمائي: سواء فيه بوسة أو فيه مشهد فيه شىء ملموس، أتفهم إن ده مش في مجتمعنا ومش معتاد عليه، لكن دي حاجة كانت بتحصل زمان وعادي، الزمن والوقت تغير.. وأنا شايفة إن أي حاجة عملتها في الفيلم كانت عن اقتناع، الفن جاي من الحقيقة، والحقيقة بيحصل فيها كل حاجة، لو هقدم فن هقدمه زي ما هو، وعمري ما هتكسف من ده بصراحة.