آيتن عامر عن أكرم حسني: كلمة شكرًا مش كفاية عليه.. وأخ قليل ألاقي زيه

حرصت الفنان آيتن عامر على توجيه رسالة إلى الفنان أكرم حسني وذلك بعد تكريمهم سويًا على مسلسل مكتوب عليا، وذلك عبر حسابها بإنستجرام. 

تحيا مصر يرصد لكم تفاصيل أخر منشورات آيتن عامر 

ونشرت آيتن عامر صورة تجمعها بحسني من التكريم، وعلقت: انا مهما اتكلمت عنك مش هقدر اشرح ربع اى حاجة من الحاجات الكتير الحلوة فيك. 

وتابعت: و كلمة شكرا عمرها ما هتكون كفاية عليك عشان انت تستاهل اكتر من كدة بكتير.

آيتن عامر عن أكرم حسني: أخ قليل الأقي زيه

وأضافت: مش بس صديق جدع و فى ضهرى دايما و زميل لن يتكرر لا انت كمان أخ قليل لما الاقى زيه، النهاردة خدنا جايزتين واحدة ليك و واحدة ليا عشان مكتوب عليا.. وربنا يكتبلك حب الناس اكتر واكتر عشان انت تستاهل.. شكرا يا سي جلجل.

آيتن عامر في برنامج سهرانين

وكشفت ايتن عامر من قبل عن بداية دخولها المجال الفني وقال خلال برنامج سهرانين: بداية دخولي عالم التمثيل كانت غريبة جدًّا، أنا كنت بتستخبى في شنة عربية وفاء عامر علشان أروح معاها التصوير خاصة وهي رايحة المسرح.. وكنت بحب أروح معاها المسرح لأنها كانت بتشتغل مع صلاح عبد الله وأحمد آدم وحسين الشربيني وكوكبة من الفنانين في فترة التسعينيات، ووقتها كان عمري 6 أو 7 سنين وعملت الإعلانات وأنا صغيرة وكانت شيري عادل السبب لما ما قدرتش تيجي فخدوني مكانها وعملت ساعتها 4 إعلانات وبعدين وقتها ما فكرتش في تمثيل".

آيتن عامر: دخلت التمثيل بالصدفة

وتابعت: "دخلت التمثيل بالصدفة، لما كانت وفاء عامر بتصور في مسلسل ملح الأرض مع الفنان محمد صبحي، ووقتها كانوا بيدوروا علي بنت ملامحها تبان طفلة لسه صغيرة في إعدادي، ولما عديت قدام محمد صبحي قال لي دي تنفع جدًّا وقالوا لي وفاء عامر تذاكر لك الدور، وصورت 9 مشاهد منهم مشهدين متبكلمش فيهم، وأول يوم تصوير ليا كنت مبترجلة، بس الفنان محمد صبحي ساعدني أني انجح في اتقان التمثيل بالخطوات".

تفاصيل مسلسل مكتوب عليا

الجدير بالذكر ان مسلسل مكتوب عليا عرض في السباق الرمضاني الموسم الماضي وحقق نجاحًا كبيرًا وكان من بطولة أكرم حسني وعمرو عبد الجليل وأيتن عامر وهنادي مهنا، من تأليف إيهاب بليبل ومن إخراج خالد الحلفاوي وكنت تدور قصته حول تغير مقابلة غريبة حياة جلال عندما يستيقظ في اليوم التالي ليجد كل ما سيحدث له خلال النهار مكتوبا على جسده، فتتحول أيامه إلى سلسلة من المواقف الكوميدية.