رسالة مصطفى كامل لمطربي المهرجانات في حفل دير جيست: متدخلش أي بيت مصري كلمة خارجة

علق الفنان مصطفى كامل نقيب المهن الموسيقية، أثناء تكريمه في حفل دير جيست 2022 عن دوره في حل أزمة مطربي المهرجانات.

تحيا مصر يرصد كلمة مصطفى كامل خلال تكريمه في حفل دير جيست. 

وقال مصطفى كامل: التكريم ده شرف كبير ليا للدور اللي قومنا بيه في احتواء الشباب اللي كانوا مرفوضين من المجتمع كله بسبب تدني الكلمة اللي كانوا بيغنوها، الشباب دول زيهم زي أي شباب بيحضر ولكن ضل الطريق وكان من وجهة نظري إن إحنا نقف معاهم ونفهمهم يعني إيه مصر ويعني إيه الفن المصري، إبدع زي ما تبدع لكن متدخلش أي بيت مصري كلمة خارجة.

شروط مصطفى كامل لـ مطربي المهرجانات

وفرض مصطفى كامل خلال المؤتمر الصحفي، شروطا صارمة على مطربي المهرجانات وهي: “الانضمام لشعبة إما غناء شعبي بتصريح سنوي أو أداء صوتي تجديد ربع سنوي، خضوع المصنف الفني (كلمات الأغنية) وعرضها على جهاز الرقابة والمصنفات الفنية، الالتزام بعدم إدراج كلمة تقوم بخدش الحياء أو ألفاظ أو إيماءات،  تطبيق لائحة النقابة والالتزام بوجود فرقة موسيقية مصاحبة لأي فنان مكونة من 12 عضو عامل،  التعهد في حالة السفر للخارج للقيام بأعمال فنية بعدم مخالفة قوانين ولوائح النقابة والالتزام بتلك البنود”.

مصطفى كامل يتوعد لـ مطربي المهرجانات

وكان قد توعد مصطفى كامل لـ مطربي المهرجانات في حالة احتواء أغانيهم على كلمات خادشة للحياء، فقال: "إحنا قاعدين القاعدة دي عشان أي حد هيشتغل في أي مهنة خاصة بنقابة المهن الموسيقية هيخضع لعادتنا وتقالدنا وأي حد هيخرج عن النص مش هيشوف الغنا تاني، وأي حد هيضر بولادنا وهيسئ  لسمعة مصر مش هيشوف الغناء تاني".

وأكد مصطفى كامل بأنه سيتم استبدال كلمة مهرجانات لـ شعبة الأداء الصوتي، وسيكون اسم مطرب المهرجانات بـ المطرب الشعبي، واضعا لائحة لتعهدات مطرب المهرجانات للنقابة قبل الغناء.

فجر الفنان مصطفى كامل نقيب المهن الموسيقية عدد من التصريحات النارية حول الأنباء المتداولة عن اضطهاده لمطرب الراب ويجز، وذلك خلال مداخلة هاتفية ببرنامج الحكاية المذاع عبر قناة Mbc مصر الفضائية.

تصريحات مصطفى كامل عن ويجز

أقدر هذا الجيل الذي يمثله ويجز وأنا مظلمتهوش ربنا ينجحه وأكون أول واحد يباركله على الحفل

أي حد من بلدي يطلع برا يشرفني ويشرف مصر

لكن من منا ينتمي لمهنة وهو غير عضو نقابة

كل زملاء ويجز حضرو النقابة وأخذوا تصاريح بالعمل وانا منتظره بقالي شهرين

فعمرو دياب مثلا لما ظهر في شبابه كان يوقر النجوم اللي قبله

لم يصدر مني شخصيا أو كيان النقابة بخصوص حفل كاس العالم أي بيان رسمي

في هجوم ضدي وحاسس بالظلم