محيي اسماعيل: اتجوزت أرمل عشان مخلفش ورفضت فيلم الباطنية عشان ألف جنيه

فجر الفنان محيي اسماعيل مجموعة تصريحات جريئة خلال حلوله ضيف على برنامج حبر سري، الذي تقدمه الإعلامية أسما ابراهيم على قناة القاهرة والناس.

تحيا مصر يرصد في ذلك التقرير تصريحات محيي اسماعيل في حبر سري

محيي اسماعيل: عمري ما غيرت من زميل ليا ومعنديش خصام مع حد في الوسط

تحدث محيي اسماعيل عن غيرته من زملائه، فقال: معرفش جمل نفسنت دي في حياتي وعمري ما غيرت من زميل ليا، لكن أوقات ببقى عايزة أعمل عمل حد معين وأنا عملت أدوار قوية جدا فليه أغير.

وأضاف: معنديش خصام مع حد في الوسط الفني كله وأنا بقدر محمد صبحي، والخلاف كان بسبب المخرج لأنه قال ان كان ليك مشهد حلو ومحمد صبحي شاله فكلمته واعتذرلته وهو زعل.

واستكمل: أنا أتمنى أي واحد بيمثل شوية اشتغل معاه، أنا أشارك الجن الأزرق.

محيي اسماعيل يكشف رأيه في نجوم الفن

وكشف محيي اسماعيل عن رأيه في بعض نجوم الفن، فقال: نيللي كريم ممثلة حساسة جدا وعندها قدرة على في اي نوع، وأنا بقيم الممثل بتأثيراته التي تبقى في الناس.

واستطرد: أمير كرارة متنوع في حاجات كتير تمثيل وغنى واذاعة وناجح في كل شيء، وصابرين كانت قمة في تجسيد شخصية أم كلثوم.

وعن كريم عبد العزيز، فقال اسماعيل: ربنا مديله فطرية وعفوية وذكاء وقبول وكاريزما وموهبة ومقبلتهوش قبل كدة في أعمال ونفسي اشوفه.

محيي اسماعيل يكشف سبب رفضه الخلفه

وتطرق محيي اسماعيل بحديثه عن رفضه الخلفه، فقال: انا اتجوزت أرمل عشان مخلفش، كل بنت أجي أحبها أقولها عن اذنك تقولي هتسيبني وأروح فين، أياميها الشقة من حق الزوجة ومفيش فلوس ومكنتش عايز أجيب عيال إلا اما أكون نفسي ماديا، وبعدها اتجوزت كبير في السن عشان مكنتش عايزة أجيب طفل أموته.

وتحدث محيي اسماعيل عن مواصفات النجوم، فقال: البطل ملهوش مواصفات بدليل ان محمد سعد وعادل إمام مش حلوين، فمش شرط يكون النجم جميل انما يكون مؤثر.

واختتم  محيي اسماعيل حديثه خلال برنامج حبر سري  بـ تصريحاته عن رفض دور أحمد زكي في فيلم الباطنية بسبب خلاف على 1000 جنيها.