مصطفى قمر يكشف مفاجأة عن فيلم أولاد حريم كريم

تحدث الفنان مصطفى قمر عن حبه الشديد للفنان محمد فوزي، كما تحدث عن تعاونه مع الفنان احمد زكي في فيلم البطل ودخوله مجال التمثيل وكشف مفجأة عن الجزء الثاني من فيلم حريم كريم.

تحيا مصر يرصد لكم تصريحات مصطفى قمر

تصريحات مصطفى قمر مع أنغام

وقال مصطفى قمر خلال استضافته في برنامج أنغام والتي تقدمه الفنانة أنغام ويعرض عبر قناة دي أم سي: أنا امتداد لمحمد فوزي وبحبه جدًا وكنت عايز ابقى زيه.

وأضاف: أول فيلم كان مع أحمد زكي في فيلم البطل وكنت محظوظ جدًا وسامي العدل كلمني قالي مش نفسك تمثل سينما قولتله ياريت وجابلي ورق فيلم البطل.

واستكمل: كلمني بعدها قالي في مفاجأة لو عرفتها مش هتاخد فلوس في الفيلم فضلت افكر إيه المفجاة ولما روحتله قالي انت هتمثل مع أحمد زكي قولتله همضي فين ؟ ومسالتش على الفلوس.

وكشف: لما قابلت احمد زكي  قالي ما تخدوا شريف منير انا عجوز قولتله انا عملت الفيلم عشان انت فيه، وأحمد زكي قالي التمثيل عينين وقالي عينك لو هتكدب مش هنشوفك متفكرش في الكلام بص على اللي قدامك وقوله كلام مظبوط وكل شوية يقولي نصيحة وطلعت قوي جدا في فيلم البطل وبسيط.

مصطفى قمر يكشف تفاصيل فيلم أولاد حريم كريم

وكشف قمر ان كتابة سيناريو فيلم أولاد حريم كريم موضحًا: واحنا اليومين دول خلصنا ورق الفيلم اسمه اولاد حريم كريم اولاد كبروا وبيكملوا المسيرة وتيام هيبقى من ابطال الفيلم
وقال قمر: ببقى مبسوط ان الاولاد في العصر الحالي بيجوا الحفلات وبيغنوا معايا الاغاني القديمة، وأنا بحب احترم الكلمة حتى لو بسيطة ولو هنهزر يبقى باحترام.

مصطفى قمر: أغنية أصحاب انا وأنت ولا مميزة بالنسبالي

وتحدث قمر عن أغنية أصحاب أنا وانت ولا وقال: اصحاب انا وانت ولا اثرت في الجيل وكل الاجيال وبحبها جدا وهي اغنية مميزة جدا بالنسبالي.

فيلم حريم كريم طرح عام 2005 وكان من بطولة مصطفى قمر، ياسمين عبد العزيز، علا غانم، داليا البحيري، ريهام عبد الغفور، بسمة، وكانت تدور أحداث الفيلم حول زوجين يتم الطلاق بينهما بسبب سوء تفاهم جرى بينهما، فيحاول الزوج أن يعمل على مصالحة زوجته بشتى الطرق عن طريق اﻹتصال بزميلاته القدامى أثناء الجامعة.