محي اسماعيل: رصيدي في البنك ربع مليون جنيه وعملت حادثة بالعربية ووشي اتقطع

كشف  الفنان محي اسماعيل عن رصيده في البنك، كما كشف عن كواليس تعرضه لحادثة سير والتي كانت سبب في عدم امتلاكه سيارة إلى الآن.

تحيا مصر يرصد لكم تصريحات محي اسماعيل

وقال محي خلال استضافته في برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس:قعدت سنين مش بشتغل عشان كان معايا قرشين وكنت بخلصهم وكتير كان بيخلص فلوسي ومش بيكون معايا فلوس.

محي اسماعيل: رصيدي في البنك ربع مليون جنيه ويكفوني خمس شهور بس

وتابع: أنا رصيدي في البنك ربع مليون جنيه ويكفوني خمس أو ست شهور جايين، وبعيش بـ 30 ألف جنيه في الشهر.

وأضاف:مش بندم على اي عمل برفضه وساعات برفض مسلسلات بمليون جنيه عشان انا يكفيني 30 الف جنيه في الشهر والتوازن مطلوب وأنا جاي الدنيا في رحلة وهمشب واسيب كل حاجة.

محي اسماعيل: عملت حادثة بالعربية ووشي اتقطع

وكشف  اسماعيل عن تفاصيل تعرضه لحادث سير والذي كان سبب في في عد امتلاكه سيارة إلى الآن وقال محي: كان عندي عربية بورش وعملت حادثة ووشي اتقطع وعملت جراحات كتير في وشي.

واستكمل: من بعد الحادثة جالي فوبيا من العربيات والسواقة ولما بركب مع حد بيسوق ببقى مرعوب.

وكشف محي اسماعيل أنه كان لا يوجد خلاف بينه وبين الفنان نور الشريف وقال: نور الشريف تلميذي ومكنش فيه اي خلاف بينا ومكنش يتجرأ يقول عليا مغرور قدامي.

 وكشف محي أنه حقق 50% فقط من أحلامه قائلًا: حقق الـ 50% اللي جايين في فيلم القذافي اللي هعمله  وترشيحي لجايزة نوبل للأدب في روايتي الاخيرة جراح النفوس.

محي اسماعيل: جسدت كل عقد البشر

كما كشف محي اسماعيل خلال لقائه عن أعمال ينتظر تقديمها خلال الفترة القادمة فقال: هقدم شخصية معمر القذافي أول ما دولة ليبيا تتظبط وأنا كاتب الفيلم وجاهز عندي من 12 سنة والإنتاج جاهز ومفيش في شخصيتي حاجه تشبه القذافي لأنه أعظم مني بكتير، وأشار أنه قام بتجسيد جميع عقد البشر وقال: جسدت عقد البشر لوحدي ومفيش حد عمل ده غيري وكنت عايز أكشف حقيقة الإنسان من الداخل وكنت قاصد اعمل كده.