محي اسماعيل: رفضت ابوس سعاد حسني عشان كنت بصلي وحققت 50% من أحلامي

حل الفنان محي اسماعيل ضيفًا على برنامج حبر سري والتي تقدمه الإعلامية أسما إبراهيم ويعرض عبر قناة القاهرة والناس.

تحيا مصر يرصد لكم تصريحات محي اسماعيل

وتحدث محي عن حقيقة خلافه مع الفنان نر الشريف، كما كشف عن سبب خلافه مع المخرج كمال الشيخ، وتأثرة بوفاة زوجته.

محي اسماعيل: رفضت أبوس سعاد حسني في بئر الحرمان عشان كنت منضبط وبصلي

وقال محي: كنت منضبط وبصلي ورفضت أبوس سعاد حسني في بئر الحرمان و ده كان سبب خلافي مع المخرج كمال الشيخ بس اقنعوني وكانت قبلة جميلة.

وتابع: بعد وفاة مراتي اتعالجت نفسيًا في كندا وكنت بحبها جدًا وهي كانت عايشة حياة فطرية بدائية وكان عندها فلسفة الإستغناء ومكنتش بتطلب اي حاجة.

وكشف محي اسماعيل أنه كان لا يوجد خلاف بينه وبين الفنان نور الشريف وقال: نور الشريف تلميذي ومكنش فيه اي خلاف بينا ومكنش يتجرأ يقول عليا مغرور قدامي.

 وكشف محي أنه حقق 50% فقط من أحلامه قائلًا: حقق الـ 50% اللي جايين في فيلم القذافي اللي هعمله  وترشيحي لجايزة نوبل للأدب في روايتي الاخيرة جراح النفوس.

وكشف محي اسماعيل أنه يشارك في بطولة فيلم جديد يحمل اسم الكومندا ويقدم شخصية مثيرة وتمنى أن العمل ينال إعجاب الجمهور.

محي اسماعيل: مفيش حاجة اسمها كورونا

كما كشف محي اسماعيل أنه لا يؤمن بوجود الكورونا وقال:ا قسم بالله مفيش حاجه اسمها كورونا وضحكوا علينا و في حاجه اسمها ضعف مناعة عادي ومفيش حد مات بالكورونا.

محي اسماعيل: جسدت كل عقد البشر

كا كشف محي اسماعيل خلال لقائه عن أعمال ينتظر تقديمها خلال الفترة القادمة فقال: هقدم شخصية معمر القذافي أول ما دولة ليبيا تتظبط وأنا كاتب الفيلم وجاهز عندي من 12 سنة والإنتاج جاهز ومفيش في شخصيتي حاجه تشبه القذافي لأنه أعظم مني بكتير، وأشار أنه قام بتجسيد جميع عقد البشر وقال: جسدت عقد البشر لوحدي ومفيش حد عمل ده غيري وكنت عايز أكشف حقيقة الإنسان من الداخل وكنت قاصد اعمل كده.

وعن عادل امام قال محي اسماعيل: عادل إمام مرزق وزعيم وحاجة كبيرة لأنه مثل كل الأحاسيس اللى عند الإنسان ويستحق يكون زعيم.