مصطفى قمر: كنت باخد 1500 جنيه في الافراح وبنقل للجمهور وجهة نظري بالمزيكا

كشف الفنان مصطفى قمر عن بدايته الفنية في عالم الغناء، والأغاني المفضلة له، كما تحدث عن أغنية بابا نويل وكواليس أغنية العم نوح.

تحيا مصر يرصد لكم تصريحات مصطفى قمر

وقال مصطفى قمر خلال استضافته في برنامج أنغام والتي تقدمه أنغام عبر قناة دي أم سي: بدأت ألحن اغاني بتاعتي وكنت بغني لمحمد منير واتعلمت حاجات كتير منه واعجبت بشكل المزيكا دي وكنت بسمع أغاني الغربي والفرنسي.

واستكمل: بدات في الجامعة وعملت حفلات وبقى ليا جمهور في الجامعة وبدات افكر اني انتشر اكتر.

أنغام تكشف عن احساسه عندما قدمت اغنية الركن البعيد الهادي

وسأل أنغام عن احساسها عندما قدمت أغنية الركن البعيد الهادي في سن صغير وقال: ايه احساسك وانتي بتغني أغنية الركن البعيد الهادي؟ لترد أنغام قائلة: انا كنت في اكاديمية الفنوان ودخلت معهد موسيقى وكنت باخد تاكسي وهي نزلت وانا مروحة وملحقتش اسمعها  وبدات اسمعها في العربيات واتكسفت وقعدت مخبية نفسي ومش عايزة حد ياخد باله اني انا وكان احساس كان مخيف وكنت غنيتها في حفلة ونجحت فيها نجاح غريب وخلوني أعيد جزء في الأغنية وكانت الحفلة إنتاج الاذاعة والتليفزيون  وكان فيها مغتربين وعيطوا لما غنيت صدفة بتجمعنا.

مصطفى قمر: بنقل للجمهور وجهة نظري بالمزيكا

وتابع مصطفى قمر: المزيكا عبارة عن رأي وبنقلهم راي في الحياة  وحتى لو مش عايشة الحالة بس بكون مصدقها وبنقل وجهة نظري وكنت عايز انقل للناس وجهة نظري، والنجومية لما بتيجي بدري وبتغير شخصيتك او تديكي ثقه اكبر وانا مبسوط انك من ساعتها وانتي رايحه في المكان المظبوط.

مصطفى قمر: كنت باخد 1500 جنية في الأفراح

وكشف عن كواليس أغنية بابا نويل وقال: أغنية بابا نويل انا وسامح العالمي عملنا الاغنية وكنا عايزين نصورها ومكنش في حد عايز يعملها وانا كنت باخد 1500 جنية في الفرح وفضلت سنة أشتغل جمعت 40 الف جنيه وصرفتهم عشان اعمل الاغنية وروحت لإيهاب توفيق قولتله اتفرج عليها وكان عايز يقولي يا عبيط صرفت فلوسك كلها ليه.
وتابع: الفن حب مش هواية عشان نكسب منها فلوس هي أحسن من كده بكتير النجاح أحلى بكتير.

وعن أغنية العم نوح قال: العم نوح بداية سلسلة اغاني من النوع ده وقررنا نعمل اغاني مصورة وهي مميزة وقريبة من قلبي وكان للأغنية جمهور كبير جدًا.