شيرين رضا عن حفل زفاف ابنتها نور: مش بنأمن بالأفراح وعمري ما لبست فستان فرح

تحدثت الفنانة شيرين رضا عن حفل زفاف ابنتها نورعمرو دياب، موضحة انهم لا يأمنوا بالأفراح ولن تقوم بحفل زفاف.

تحيا مصر يرصد لكم رأي شيرين رضا في حفلات الزفاف

وقالت شيرين خلال لقائها في برنامج إي تي بالعربي: احنا معندناش الأفراح ومش بنأمن بيها أنا عمري ما لبست فستان فرح لبست في التمثيل بس في الحقيقة لا بس كل واحد حر ويعمل اللي عايزة.

شيرين رضا: مش لازم نعزم ناس في الفرح تفضل تنتقدنا

وتابعت: هي مش كده واحنا متربناش كده وانا بشوف الحفلة الكبيرة فلوسها كتير ليه هما ميستمتعوش بفلوسها وفستان الفرح غالي جدًا هي تستمتع بفلوسه هي وجوزها، وهي مش عايزة تعمل فرح وأنا عمري ما كنت بتمنى أعمل فرح.

وأضافت: لسه هنشوف بس هنعمل عشاء بسيط وهنعمل حاجة صغيرة والمهم هي وجوزها واهله واهلها يفرحوا ومش لازم نجيب الناس اللي شوفناها السنة اللي فاتت ونعزم ناس تنتقدنا.

شيرين رضا تكشف سبب عدم مشاركتها في السباق الرمضاني

وكانت قد كشفت شيرين رضا عن سبب عن مشاركتها في السباق الرمضاني الموسم المقبل وقالت: أنا بصور المسلسل اللي شغالة عليه دلوقتي والمفروض هيتعرض في يوم 31 ديسمبر وبقالي شهرين بصور ولسه بنصور، وتفتكر لو حد جه قالي دلوقتي تعالي نصور لرمضان هخنقه إزاي، أنا فعلا تعبانة جدا لأن المسلسلات صعبة وشغلها صعب، والمسلسلات أصعب من الأفلام بكتير فأنا بكل تأكيد خارج السباق الرمضاني لأن معنديش وقت.

شيرين رضا تكشف تفاصيل تعاونها مع دينا الشربيني

كما تحدثت شيرين رضا عن تفاصيل تعاونها مع الفنانة دينا الشربيني في مسلسل حدث بالفعل، وقالت شيرين رضا: مش أول مرة أحنا عملنا فيلم "كدبة كل يوم" مع بعض، أنا ودينا أصحاب من زمان، أنا كان المفروض أعمل حلقة تانية لوحدي ولما قالوا تعملي حلقة مع دينا الشربيني قولت طبعا، إحنا معندناش فرصة نقابل بعض في الحياة العادية لأن كل واحدة فينا مشغولة بأعمالها، عندنا 6 أو 7 أيام كل يوم مع بعض، قاعدين مع بعض في نفس "الكرفان" مع أن كل واحدة عندها مكان لوحدها، لكن بنغير مع بعض ونحط مكياج مع بعض وطالعين إخوات المسلسل عن قصص حقيقية، المؤلف أخذ قصص من دكاترة نفسيين في الوطن العربي وأخد منهم القصص الحقيقية المفزعة.