حنان شوقي: أنا كتلة حب.. وقلبي رباني بحس باللي بيقولي بحبك بجد

تحدثت الفنانة حنان شوقي عن الحب في حياتها، وذلك خلال حوارها ببرنامج كلام الناس مع الإعلامية ياسمين عز، عبر شاشة قناة إم بي سي مصر.

تحيا مصر يرصد لكم تصريحات حنان شوقي مع ياسمين عز 

حنان شوقي: أنا كتلة حب.. وقلبي رباني بحس باللي بيقولي بحبك بجد

وقالت حنان شوقي: أنا كتلة حب متحركة على الأرض، وقلبي مبينبضش غير بالحب الحقيقي، ولما يبقى قلبك ساكن فيه المولى عز وجل والنبي وأي حد بيجي يقولك بحبك بتحسي، أنا بحب الحب المتبادل ويبقى رايح جي، كذب بيبينهولي ربنا سبحانه وتعالى على طول والبني ادم بيبان من موقف وكلمة وحركة وانا حساسة جدًا وقلبي رباني بحس باللي بيقولي بحبك بجد، او بحبك عشان عايز حاجة معينة، او يومين ويعدوا.

وتابعت: وعايزة اتحب الحب الحقيقي، عشان افضل وانا لما اعجز انا وهو نحب بعض، وفي الأفلام الأجنبية بيبقوا عواجيز وفي بينهم حنية واحتواء وود ورحمة وبتمنى ابقى كده، ولو مكنش كده يبقى قلته أحسن.

حنان شوقي: اتهديت واتبنيت زي ما ربنا عايز

وقالت حنان شوقي: أنا رميت الدنيا، ودوست عليها وبما فيها عشان اشتري نفسي وقلبي وروحي، واتاخدت للحقيقة وللي أنا مخلوقة عشانها، ولاقيت نفسي غريبة في الدنيا وروحي مش معايا.

وتابعت: وقعدت ادعي ربنا واقوله يا رب لو غلطانة عرفني وارشدني، ولو صح ارشدني للحاجة الصح، وفي رمضان وانا قاعدة على السرير انا شوفت ليلة القدر وشوفت سيدنا النبي، كان يقظة مش منام، ودي غيرتني 360 درجة واتهديت، واتبنيت زي ما ربنا عايز.

تصريحات حنان شوقي عن محمد رمضان 

وفي وقت سابق، هاجمت الفنانة حنان شوقي الفنان محمد رمضان، حيث قالت حنان شوقي خلال برنامج “نص الكلام” الذي تقدمه الإعلامية رغدة شلهوب عبر قناة النهار: “لا أحب اتابع أي حاجة لمحمد رمضان، عشان مش بعرف اتفرج على حد مش صادق، على أنه عنده كاريزما وبيمثل مثل أحمد زكي حتى بلعان الريق”.

وتابعت في إشارة منها للطيار أشرف أبو اليسر الذي تسبب رمضان في وفاته: “أنا مش بحب البني آدم اللي يجور على بني آدم، ويأخذ بنط على السوشيال ميديا، ويضيع حياة بني آدم، ويضيع كيان واحد طول الوقت عايش فيه، ده ميبقاش فنان، الفن دا ارقى شئ في الوجود، مش هشتغل معاه حتى لو اداني ملايين الملايين، وهو اللي عمل كدا في نفسه”.