أنغام تكشف أخر تطورات حالتها الصحية: لسه تحت المتابعة وحاليا في فترة النقاهة

كشفت المطربة المصرية أنغام تفاصيل أخر تطورات حالتها الصحية بعد خروجها من المستشفى، وذلك من خلال مداخلة هاتفية لها ببرنامج “مساء دي إم سي” مع الإعلامية إيمان الحصري.

تحيا مصر يرصد تفاصيل أخر تطورات الحالة الصحية لـ أنغام

حيث قالت أنغام: “لا أزال تحت المتابعة الطبية بعد الخروج من المستشفى، وحاليا في فترة النقاهة والتعافي.. وصلني دعاء الجمهور واشكرهم على كل الحب والود”.

أخر تطورات الحالة الصحية لـ أنغام

وتابعت: “على قد الأيام ما كانت صعبة وشديدة والمرض كان صعب وتعبت فيه كتير جدا، على قد ما شوفت حب الناس وقد ايه انا غالية عندهم، وشوفت صحاب وأولادي وأهلي قد ايه غالية عندهم، وانا متعلقة بدعواتهم الطيبة ليا وسعيدة بحبهم ليا”.

واختتمت حديثها قائلة: “أهم درس في الوعكة الصحية اللي مريت بيها إن الدنيا قدام الصحة صغيرة أوي، علشان كده بتمنى لكل الناس أن يمتعهم الله بالصحة لأنها غالية”.

أغنية عارفة قيمتي

الجدير بالذكر ان أغنية عارفة قيمتي للفنانة أنغام قد حققت نجاحًا كبيرًا وذلك بعد طرحها بموقع الفيديوهات الشهير يوتيوب.

كلمات أغنية عارفة قيمتي

بنخطف وقت من الدنيا ونتسابق مع الأيام
وعمرنا كام
عشان نقبل ثواني في عمرنا يضيعوا
بقيت ما بجيش على نفسي عشان مخلوق
أنا اللي بسوق
وقبل ما حد بيبعني أنا ببيعه
عارفة قيمتي وعارفة أنا مين
ده الطريق اللي أنا ماشياه
مش مهم الناس عايزين
المهم اللي أنا عايزاه
كل ثانية أنا ناوية أعيش
واللي فات هنساه
عارفة قيمتي وعارفة أنا مين
ده الطريق اللي أنا ماشياه
مش مهم الناس عايزين
المهم اللي أنا عايزاه
كل ثانية أنا ناوية أعيش
واللي فات هنساه
دنيا وبنعيشها، واللي يعيش ياما يشوف
وفي ناس نقابلها، أصلاً مش وش كسوف
على إيه نقدرهم ونكبرهم والموضوع معروف
لو خايف تخسر حاجة اخسرها وإنت تبطل خوف
عارفة قيمتي وعارفة أنا مين
ده الطريق اللي أنا ماشياه
مش مهم الناس عايزين
المهم اللي أنا عايزاه
ثانية ثانية أنا ناوية أعيش
واللي فات هنساه
عارفة قيمتي وعارفة أنا مين
ده الطريق اللي أنا ماشياه
مش مهم الناس عايزين
المهم اللي أنا عايزاه
كل ثانية أنا ناوية أعيش
واللي فات هنساه