رامي عياش: أغنية جبران اتنفذت في سنة ومش بعرف حد إني بلحن لأني خجول

كشف الفنان رامي عياش عن كواليس اغننية الناس الرايقة التي كانت برفقة الفنان أحمد عدوية، كما تحدث رامي عن تلحينه للأغاني، وتحدث عن أغنية جبران.

تحيا مصر يرصد لكم تصريحات رامي عياش

وقال رامي خلال استضافته في برنامج انغام التي تقدمه الفنانة أنغام ويعرض عبر قناة دي ام سي: كنت فاكر أن أحمد عدوية مش بيغني لأنه كان بقاله فترة بعيد، وأحنا في لبنان اتربينا على اغاني محمد عدوية ولما سمعني محمد يحيي اغاني مصرية وكان بيسمعني افيهات وقولتله انا عايز اللون ده وقالي ده موال قولتله نعملها اغنية وهو بعقبريته طلع الموال اغنية.

وتابع: قولت لمحمد يحيى أني عايز أعمل الاغنية دي مع أحمد عدوية وقالي هو بيعمل مع ابنه بس ومفيش اسبوع سجلنا الأغنية على طول وحققت نجاح كبير.

رامي عياش:  مش بعرف حد إني بلحن لأن هدفي نجاح الأغنية بصوتي

وكشف رامي أنه يقوم بتلحين الاغاني لنفسه وقال: اول اغنية لحنتها لنفسي كان عندي 13 سنة ومغنتهاش عشان خالي اتوفى، وبعدها لحنت اشتقاتلك قد الدنيا وكلماتي والحاني وبعدها اتوسعت كتير باللحن.
وأضاف: مش هدفي أن الاساسي أن الناس تعرف ان الاغنية من  الحاني انا هدفي نجاح الاغنية  ونجاحها بصوتي وانا خجول شوية ومش بحب أقول ان الاغنية من كلماتي والحاني.

وكشف: وفي اوقات بلحن الاغنية وحد من صحابي بيضيف حاجه وبنسب اللحن ليه وانا مش بحب التفاخر بالموضوع ده، وفي اغاني كتير حاطت اسمي عليها  في اللحن زي جبران وامير الليل وفي مكان وقوم يالا نرقص .

رامي عياش: أغنية جبران كانت صعبة جدًا

كما تحدث رامي عن أغنية جبران وقال: اغنية جبران  صعبه جدا وفي ناس مش عندها ممارسة في غناء الحاجات دي بس انا بحب الجيل ده وبتحدى نفسي والكلام مش سهل خالص واللحن غلف الكلام الرائع بطريقه انسانية

رامي عياش: أغنية جبران أهم الاغنيات اللي قدمتها في حياتي

وتابع: أغنية جبران غاليه على قلبي وكتبتها كاترين معوض وهي عبقرية في كلمتها وخدت سنة وسبع شهور في تنفيذها وهي من الحاني وبعتبرها من اهم الاغنيات اللي قدمتها في حياتي.